“Hindistanda olan bütün rayonların, şəhərlərin, kəndlərin adı dəyişilib ki, İslama aid heç bir ad qalmasın”.
Ednews xəbər verir ki, bunu Pakistanın Müsəlman İnstitutunun rəhbəri Sultan Əhməd Sahibzadə İslamofobiya ilə Beynəlxalq Mübarizə Gününə həsr olunan “İslamofobiya irqçiliyin və ayrı-seçkiliyin spesifik forması kimi: Yeni qlobal və transmilli çağırışlar” mövzusunda beynəlxalq konfransda çıxışı zamanı deyib.
Onun sözlərinə görə, İslamofobiya cənub Asiya ölkələrində getdikcə artır.
"Bu ölkələrdən birincisi Hindistandır. Hindistanda 2019-cu ildə yüz minlərlə vətəndaş müsəlman olduğu üçün vətəndaşlıqdan çıxarılmışdı. Hakim dairələrə baxdıqda müsəlmanları görməkdə çətinlik çəkirik. Hindistanda islama qarşı o qədər zorakılıq törədilmişdi ki, Ali məhkəmədə buna normal baxılırdı. Hindistanda 2020-ci ildə 50-ə yaxın şəxs qətlə yetirilib".
Aysel Şahmar
