Bu gün “Congress Hall”mərkəzində Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin təşəbbüsü ilə Ulu Öndər Heydər Əliyevin anadan olmasının 100 illiyinə həsr olunan "Müstəqil Azərbaycanın Banisi" adlı konfrans keçirilir.
Ednews xəbər verir ki, konfransda Beynəlxalq Avrasiya Mətbuat Fondunun prezidenti Umud Mirzəyev də iştirak edir. O, “Heydər Əliyevin müstəqil medianın formalaşmasında tarixi xidmətləri” mövzusunda çıxış edəcək.
Konfrans Ulu Öndər Heydər Əliyev haqqında qısametrajlı sənədli filmin nümayişi ilə başlayıb. Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının sədri Azay Quliyev açılış nitqində Heydər Əliyevin fəaliyyəti, ölkəmizə qazandırdğı uğurlarından danışıb.
Daha sonra Azərbaycan Respublikası Milli Məclisi Sədrinin birinci müavini, Hüquq Siyasəti və Dövlət Quruculuğu Komitəsinin sədri Əli Hüseynli “Heydər Əliyevin Qurtuluş missiyası” mövzusu haqqında məruza ilə çıxış edib.
Azərbaycan Respublikası Milli Məclisin Səhiyyə Komitəsinin sədri Əhliman Əmiraslanov “Heydər Əliyevin elm, təhsil və səhiyyə siyasəti”, Azərbaycan Respublikası Milli Məclisin Beynəlxalq Münasibətlər və Parlamentlərarası Əlaqələr Komitəsinin sədri Səməd Seyidov “Heydər Əliyevin xarici siyasəti”, Azərbaycan Respublikasının İnsan hüquqları üzrə sabiq müvəkkili (Ombudsman) Elmira xanım Süleymanova “Heydər Əliyev siyasəti insan hüquq və azadlıqlarının etibarlı təminatıdır” adlı mövzularda məruzalar səsləndiriləcək.
Konfransın davamında Heydər Əliyevin ifasında səslənən və Ulu Öndərə həsr edilən mahnılardan ibarət konsert proqramı baş tutacaq.
Sonda iştirakçılar Fəxri xiyabanda Ulu Öndər Heydər Əliyevin məzarını ziyarət edəcəklər.
Oğuz