“Hər yeni tədris ili üçün məktəbli formaları Nazirlər Kabinetinin müvafiq göstərişi əsasında hazırlanır. Valideyinlərdə həmin formanı istənilən halda almalıdır. Bu qərar qeyri- qanuni yox, nazirlər kabinetinin göstərişinə əsasdir”.
Bu fikirləri Ednews-a yeni vahid məktəbli formalarından danışarkən təhsil eksperti Elçin Əfəndiyev deyib. O, həmçinin bildirib ki, Nazirlər Kabineti tərəfindən sonuncu verilən qərara əsaslansaq, orada 3 ildən bir formaların dəyişilməsi nəzərdə tutulur.
“Xarici ölkələrlə müqayisə aparsaq, orada da məktəbl formalar ya hər il, ya da 3-5 ildən bir dəyişir. Düşünürəm ki, hər il məktəbli formaları dəyişilməkdənsə, 3 ildən bir dəyişilməsi daha məqsədəuyğundur. Artıq bu yöndə yekun qərar verilməlidir. Vahid məktəbli forması müəyyənləşdirilməli, ondan kənara çıxılmamalıdır”.
Ekspert həmçinin qeyd edib ki, belə olduqda, mütləq valideynlərin maddi vəziyyətləri nəzərə alınmalıdır.
“Hər il eyni formanı almaq, dəyişmək və yaxud tikdirmək, sözsüz ki, həm şagirdi həm valideyni çıxılmaz vəziyyətə salır və maddi sıxıntı yaradır. Hər il geyim dəyişdikcə valideyn məcbur olub yeni forma alır. Qiymətlər də minimum 80 manat civarında olur, bəzən ondan da baha başa gəlir. Amma bu standart olsa, valideyn əvvəldən tədbirini görər. Yəni övladının hər il müəyyən qədər boy artımını nəzərə alar”.
E.Əfəndi düşünür ki, şagirdlərə geyim məsələsində bir qədər sərbəstlik verilməlidir.
“Mənim fikrimcə, uşaq məktəbə özünü rahat hiss etdiyi geyimdə gəlməlidir. Məktəbli forması elə olmalıdır ki, şagir onun içində özünü rahat hiss etsin. Geyimlərin hazırlanmasında şagirdin özünü rahat hiss etməsi nəzərə alınmalıdır”.
Məsələ ilə bağlı danışan Bakı tikiş evinin satış müdiri Etibar Əzimov isə bildirib ki, 2023-2024-cü tədris ilindən başlayaraq yalnız yeni məktəbli formalarından istifadə olunacaq.
“Elm və Təhsil Nazirliyinin bölgələr və məktəblər üzrə sifarişi əsasında artıq sifarişləri yerinə yetirməyə başlamışıq”.
Onun sözlərinə görə, ötən il yeni məktəbli formaları ilə paralel köhnə məktəbli geyimlərindəndə istifadə olunurdu. Bu il isə köhnə məktəbli geyimlərindən istifadəyə imkan verilməyəcək. Növbəti tədris ilindən bütün şagirdlər, hətta 11-cilər yeni vahid məktəbli formalardan istifadə edəcəklər”.
Aytac