Həm Gürcüstan, həm Ermənistan daxilində kifayət qədər gərgin vəziyyət hökm sürür. Gürcüstanda Qərb, Ermənistanda Rusiya tərəfdarları hakimiyyətə qarşı etiraz aksiyaları keçirirlər. Proseslərin üst-üstə düşməsi təsadüfdür? Hər iki ölkədə hadisələrin gedişi və mümkün nəticələri Azərbaycana necə təsir göstərə bilər?

Mövzu ilə bağlı Beynəlxalq Avrasiya Mətbuat Fondunun prezidenti Umud Mirzəyev Ednews-a açıqlamasında bildirdi ki, Cənubi Qafqazda baş verən hadisələr öz xarakterinə, mahiyyətinə və məkanına görə hər birinin fərqli xüsusiyyətləri var. Demək olmaz ki, hadisələr eyni mənbədən, eyni prosesdən qaynaqlanır:

“Gürcüstanda bambaşqa, Ermənistanda isə tamam fərqli bir proseslər gedir. O ölkələrdə fəlakət başlayır ki, ölkə içi münaqişələrə şərait yaradınır. Azərbaycan proseslərin fonunda üstünlük sahibidir, eyni zamanda inkişafa, ərazilərini bütövləşdirib, beynəlxalq tədbirlərin platformasına və regionun lider dövlətinə çevrilməyi ilə fərqlənməkdədir. Ermənistan isə hər zaman olduğu kimi revanşist, millətçi, dinçi qüvvələrin girdabında yüzillik ideologiyaları iflasa uğrayıb. Kənar qüvvələr onlara dəstək verir və bununla da prosesi qızışdırırlar. Ümumiyyətlə, erməni genosidi, soyqırımı ilə bağlı məsələlər daha çox 50-60-70-ci illərdə körüklənməyə başlayıb. Onlar həm Sovetlər İttifaqında böyük dəstək tutudu, həm də avropa ölkələrində. Bu da onları həvəsləndirdi. Ki, onlar erməni soyqırımı məsələsini piar etməyə başladılar. Eyni zamanda proseslər onları şirinikləşdirdi. Sanki o qüvvələr qudurmağa başladı. Onlar qan axtarmağa başladılar və bu da Qarabağın işğalı ilə sonuclandı və nəticəsidə öz başlarında çatladı. Bu gün faktiki olaraq Ermənistanda barış və savaş dəstəkçiləri arasında gərginlik hökm sürür. Savaş dəstəkçilərini çox yaxşı tanıyırıq, hamımızın bildiyi simalardır. Barışçılar isə ölkədəki mövcud problemlərin fərqindədirlər və sülh istəyirlər. Bilirlər ki, Qarabağ Azərbaycanındır, Qazaxın 4 kəndi bizimdir, Zəngəzur dəhlizi açılmalıdır. Barışçılar onu da yaxşı dərk edirlər ki, bu yol Ermənistanın xilasıdır". 

U.Mirzəyev Gürcüstanda davam edən proseslərə də münasibətini bildirdi:

“Tbilisidə müxalifətin “Xarici təsirlərin şəffaflığı haqqında” qanuna etirazları keçirilir. Biz bunu Sakaşvilinin dövründə də hiss etmiş və görmüşdük. Gürcüstanda böyük bir milliyətçi kəsim var ki, həmişə ölkələrinin milli mənafeyində çıxış ediblər. Onlar daha çox müstəqil, Rusiyadan ayrı mövcud olmağa, avropaya inteqrasiya olmağa meyilli qüvvələr olub. Hərəkatların içərisində Abxaziyanı, Osetiyanı itiriblər. Rusiya ilə yaşanan məsələlər Gürcüstanı çökdürmüşdü, amma buna baxmayaraq ruspərəst qüvvələrin dəstəyi ilə hakimiyyətə gələn İvanaşvili daxildə olan qüvvələri yönlədirə bilmədi. Sakaşvili dövründə istiqamət daha çox avropaya yönəlmişdi. Hesab etmirəm ki, Gürcüstanda gedən proseslər Azərbaycana təsir göstərsin. Xəyalımdan bir zərrə belə keçirmirəm. Azərbaycanın öz yolu, iqtisadi potensialı, resursları var. Azərbaycan hər zaman istəyib ki, qonşu ölkələrdə sabitlik, sülh olsun”. 

Oğuz