ABŞ-ın elektrikli avtomobil və akkumulyator istehsalçısı Tesla-nın Çində enerji saxlama qurğuları istehsal etmək üçün quracağı fabrikə icazə verilib.
Ednews senayegazetişcom-a istinadən xəbər verir ki, ABŞ-ın avtomobil istehsalçısı Tesla Çində ikinci fabriki üzərində işləməyə davam edir.
Şirkət 2023-cü ilin dekabrında Şanxay yerli hökuməti ilə fabrik üçün torpaq sahəsinin ayrılması ilə bağlı müqavilə imzalayıb. Tesla-nın 4 meqavat saat elektrik enerjisi saxlaya bilən "Megapack" adlanan litium-ion batareya blokları fabrikdə istehsal olunacaq.
Tikintisinin bu il başa çatdırılması planlaşdırılan fabrikin 2025-ci ilin birinci rübündə istifadəyə verilməsi planlaşdırılır. Zavod ildə 10 min ədəd olmaqla cəmi 40 gigavat-saat enerji saxlama gücü istehsal etməyi hədəfləyir. Tesla hazırda ABŞ-ın Kaliforniya ştatının Latrop şəhərində ildə 10 min Meqapaket istehsal etmək gücünə malik “meqa fabrik”ə malikdir.
Şirkət Şanxayda ildə 1 milyon elektrik avtomobili istehsal edə bilən “giqa fabriki”ni 450 min əlavə tutumla genişləndirməyi planlaşdırır.
Xəyal
