Xəbər verdiyimiz kimi, “Əl-Cəzirə” Media Şəbəkəsinin əsas qollarından biri olan “Əl-Cəzirə Sənədli filmlər” departamentinin icraçı direktoru Əhməd Məhfuz və Planlaşdırma və Tərtibləmə şöbəsinin rəhbəri Adel Ksiksi Beynəlxalq Avrasiya Mətbuat Fondunun dəvəti ilə Azərbaycana səfərləri davam edir.
Ednews xəbər verir ki, səfər çərçivəsində çəkiliş qrupu sənədli film çəkmək üçün Tərtər rayonuna səfər ediblər. BAMF prezidenti Umud Mirzəyev qonaqları müşayət edir. Qonaqlara 2020-ci il müharibəsi zamanı ermənilər tərəfindən dağıdılmış mülki evlər göstərilib.
“Əl-Cəzirə Sənədli filmlər” departament rəhbərliyi bildirib ki, erməni vandalizmini, faşizmini bütün dünyaya göstərəcəyik.
“Sənədli film çəkmək üçün bu məkana səfər etmişik. Biz istəyirik ki, bütün dünya bu hadisələrdən xəbər tutsun”.
Qeyd edək ki, “Əl Cəzirə” rəsmilərinin səfər proqramı, Azərbaycanda keçirəcəkləri rəsmi görüşlər, region səfərləri və müxtəlif istiqamətlərdə mümkün əməkdaşlıq perspektivləri müzakirə olunacaq.
Bu tərəfdaşlıqlar çərçivəsində ilkin olaraq Azərbaycanın mina problemi və minadan zərərçəkənlərlə bağlı hekayələrin və Azərbaycan haqqında təqdimat çarxlarının hazırlanması nəzərdə tutulub. Səfər iyunun 11-dək davam edəcək.
Xatırladaq ki, bu əməkdaşlıq BAMF ilə Əl Cəzirə Media Şəbəkəsi arasında bağlanan anlaşma memorandumuna əsaslanır.
Oğuz