Havaların isinməsi insanların dənizə olan marağını daha da artırır. Son günlərdə dənizdə boğularaq həyatını itirən insanların sayında artım müşahidə edilir. Bir çox vətəndaş nəzarətsiz çimərliklərə üz tutur və təhlükəsizlik qaydalarına əməl etmir. Lakin mütəxəssislər belə çimərlikləri daha təhlükəli hesab edirlər. Onların fikrincə, bu çimərliklərdə sanitariya, təhlükəsizlik qaydalarına riayət olunmur və suda boğulma halları ən çox həmin ərazilərdə qeydə alınır. Bəs boğulma hallarının artmasında səbəb nədir? Vətəndaşlar ən çox nələrə diqqət etməlidir?
Bədbəxt hadisələrin qurbanı olmamaq üçün təhlükəsizlik məsələləri üzrə ekspert Elmar Nurəliyev bilməli olduğumuz məqamlar barədə Ednews-a açıqlamasında məlumat verib.
O qeyd edib ki, çimərlikdə təhlükəsizlik məsələsinə ciddi yanaşmaq lazımdır. Çünki hər il onlarla insan boğularaq həyatını itirir, yüzlərlə insan boğulma təhlükəsi ilə üzləşir.
“Boğulma hadisələrinə nəzər salsaq, təhlükə ilə üzləşənlərin əksəriyyətinin küləkli vaxtda çimərliyə gedənlər olduğunu görərik. Ən vacibi qeyri-çimərlik əraziləri ümumiyyətlə yığışdırılmalıdır. Yəni qeyri-çimərlik yaxud nəzarətsiz çimərlik anlayışı ləvğ edilməlidir. Əgər çimərliyə giriş varsa orada təhlükəsizlik tədbirləri görülüb insanların rahat istirahətini təşkil etmək lazımdı Küləyin sürəti saniyədə10-12 metri keçməməlidir.Həmçinin çimərlik seçimində də diqqətli olmaq lazımdır. Natəmiz və nəzarətsiz olan çimərliklərə getmək olmaz.
Dünya üzrə boğulma hallarının baş verdiyi sitatsikaya baxsaq görərik ki ölkədən kənar yerlərdə belə ölüm hallarının baş vermə səbəbi əlverişsiz hava şəraiti və nəzarətsiz dənizlərdir. “
Elmar Nurəliyev həmçinin qeyd edib ki, suda kobud hərəkətlər yolverilməzdir. Bundan əlavə içkili halda suya girmək də qadağandır.
“Çox vaxt vətəndaş içki qəbul edib suya daxil olur bu vəziyyətin sonu ölümlə bitə bilər. Bundan əlavə qıcolma panik atakı olan şəxslərin də daha diqqətli olması tövsiyyə olunur.”
Rübabə Kazımlı