Ermənistan xarici işlər naziri Ararat Mirzoyan İran xarici işlər naziri Hüseyn Əmir-Abdullahianla görüşüb. Nazirlər arasında geniş tərkibli görüş keçirilib. Keçirilən son görüş ona əsas verir ki, İran Ermənistanla münasibətdə yenə aktivləşir. Son dönəmlərdə seperatçıların aktivləşməsini və İranın ali rəhbəri Əli Xameneyinin ali müşaviri Əli Əkbərin Zəngəzur dəhlizi ilə bağlı yazdığı məqalədə ölkəmizlə bağlı təhdid dolu fikirləri nəzərə alsaq, İranın təkrar regionda təxribata hazırlaşdığını söyləmək olarmı?...
Ednews – a açıqlamasında politoloq Sədrəddin Soltan, İran hakimiyyətinin hansısa təxribata hazırlaşdığının proqnoz verməyin çətin olduğunu, lakin molla rejiminin hər zaman Ermənistana və təxribatçılara dəstəyinin azalmadığını vurğulayıb:
“Yayılan xəbərlərə görə hər gün Tehranda, İsfahanda erməni kilsələrində Qarabağ ermənilərinin şərəfinə kilsə zəngləri çalınır. İranın özü birbaşa təxribat yaratmasa da dolayı yolla ermənilərin seperatçı fəaliyyətini hər zaman dəstəkləməklə bunu bacarır. Yaxın günlərdə İranda Cənubi Qafqazdakı vəziyyətə dair, İran və Ermənistan alimləri konfrans keçiriblər və orada Azərbaycanın haqlı mövqeyinə qarşı şər-böhtan yağdırılıb. Eləcə də Qarabağdakı Azərbaycan vətəndaşı sayılan ermənilərin haqları müdafiə olunub. Bu onu göstərir ki, İran Ermənistanı ənənəvi dəstəkləmək prinsipindən əl çəkməyib. Ötən gün keçirilən görüşdə də Ermənistanla siyasi-iqtiasadi əməkdaşlığın davam etdiriləcəyi, yaxın dövrdə Ermənistana öncə 1mlrd.dollar, daha sonra isə 3 mlrd.dollar yardım göstərəcəyini vurğulayan qərarlar almışdır. İran regiondakı siyasi maraqlarını Ermənistan üzərindən tətbiq etməkdə hər zaman davam edəcək”.
Əkbər Şəbəndəyev
