İstər Azərbaycan-Ermənistan, istərsə də İsrail-Fələstin münaqişəsində din amili qabardılır. Bu, digər regional münaqişələrə yanaşmada da özünü göstərir. Dini faktoru niyə önə çəkilir, dünya dinlərarası və ya sivilizasiyalararası toqquşmanın astanasına çatıbmı?
Bu barədə Ednews-a ilahiyyatçı Tural İrfan bildirdi ki, əslində dini siyasətə alət etmək olmaz. Ermənistan - Azərbaycan məsələsinə vaxtilə "Erməni - müsəlman" davası deyilib ona görə ki, Osmanlı müsəlman xalqlarını özündə birləşdirirdi və ermənilər də o dövlətə qarşı terror edirdilər:
"Əslində bu gün səlib yürüşü davam edir. Qərb dövlətləri özləri qurduqları BMT kimi qurumlarla dünyada hegemonluqlarını leqallaşdırırlar. ABŞ - Əfqanıstan, İraq, Suriya, Liviya kimi müsəlman ölkələrini dağıtdı və şübhəsiz ki, bu səlib yürüşü idi. Hətta özləri də etiraf edirlər. Müsəlmanlar hər zaman tolerant olub və sülh tərəfdarı olub. Ermənilər bizim əsirlərin sinəsinə xaçı qızdırıb batırdılar. Amerika İraqa girəndə hər şeydən öncə Quranları unitaza atmağa başladı əsgərlər. Yaxud bu gün Fransada Quranı yandırırlar. Səlibçilik təfəkkürü davam edir. Qüdsü yəhudi və müsəlmanlardan xilas edib xaçlılara nəsib etmək uğrunda gedir bu günki savaş. Bəlkə də qəribə gələ bilər, inandırıcı olmaya bilər, ancaq reallıq budur ki, müsəlmanlar da, yəhudilər də qurbanlıqdır".
T.İrfan qeyd etdi ki, fələstin məsələsini həll olunmağa imkan verməyən dövlətlər bu gün sülhə çağırışı edir:
"Bu tamamilə ikili standartlardır. Səmimi deyillər. İran özü bu savaşın bitməsini istəmir. Çünki o imperiya qurmaq istəyir. Ancaq din amilini qabartdıqca savaşların masştabı böyüyür, həll olunmaz hala gəlir. Sivilizasiyalar savaşına aparıb çıxarır siyasi savaşlar. Yada düşməyənlər, tarixi soyqırımları, müharibələr xatırlanır və dünya qan gölünə dönür. Ermənilər Azərbaycana qarşı həmişə din amilindən istifadə ediblər. Onlara da xristian dövlətləri həmişə kömək edib, tərəflərini saxlayıb. Ancaq Qərb anlamalıdır ki, din savaşı dünyanı məhvə aparacaq. Orta əsrlərdə, xaç yürüşü zamanı atom silahı yox idi. Ancaq indi var. Ona görə xaç yürüşlərini təxirə salmaq haqda düşünməlidirlər".
Oğuz