Fevralın 3-də Beynəlxalq Avrasiya Mətbuat Fondunun Horadiz və Beyləqan şəhərlərində müşahidəçiləri ilə növbədənkənar prezident seçkiləri ərəfəsi növbəti görüşü keçirilib.
Ednews xəbər verir ki, görüşdə seçki prosesi, prezident seçkilərində iştirak edəcək namizədlərin plakatları, təbliğat-təşviqat işləri, ümumi olaraq əhalinin seçki ərəfəsi aktivliyi ilə bağlı məsələlər müzakirə edilib.
Seçki texnoloqu Ruslan İbrahimbəyli seçkilərin Azərbaycan üçün əhəmiyyətindən, müşahidəçilərin hüquq və vəzifələrindən danışıb.
Görüş ərzində Mərkəzi Seçki Komissiyasının müşahidəçilərlə bağlı qəbul etdiyi qaydaları bir daha xatırladıb:
41.1.1 seçki prosesinə bir namizədin və ya siyasi partiyanın mənafeləri naminə təsir göstərilməməlidir.
41.1.2. müşahidə edilən hərəkətlərə aid olan bütün hallar və faktlar nəzərə alınmalıdır;
41.1.3. müşahidə açıq aparılmalıdır;
41.1.4. müşahidənin yekunları faktlara əsaslanmalıdır.
BAMF 21 fərqli şəhər (rayon) olmaqla 31 dairədə öz müşahidəçilik missiyasını yerinə yetirməyə çalışacaq. Burada paytaxt Bakı ilə yanaşı Xankəndi, Şuşa, Ağdam, Füzuli, Zəngilan, Cəbrayıl, Tərtər, Bərdə, Goranboy, Naftalan, Gəncə, Samux, Beyləqan, Kürdəmir, Hacıqabul, Xırdalan və Sumqayıt kimi böyük şəhərlərimiz də vardır.
Xatırladaq ki, 2008 və 2013-cü illərdə Seçki koalisayalarının yaradılmasında birbaşa iştirak edən BAMF digər illərdə keçirilən seçkilərdə də aktiv fəaliyyəti ilə seçilib.
Oğuz
