Azərbaycanda keçirilən növbədənkənar prezident seçkilərində saat 10:00-dək olan seçici fəallığı açıqlanıb.
Ednews xəbər verir ki, Mərkəzi Seçki Komissiyası (MSK) İnformasiya Mərkəzinin müdiri Fərid Orucov məlumatına görə, seçici fəallığı bu saatadək 19.44 faiz olub.
O, səsvermə hüququna malik 6 milyon 478 min 840 seçicidən bu saatadək 1 milyon 259 min 371 nəfərinin səs verdiyini diqqətə çatdırıb.
Qeyd edək ki, statistika hesabat vermiş 125 seçki dairələri əsasında məlum olub.
