Bu gün Bərdədə Birinci Qarabağ müharibəsi zamanı erməni terrorçuları tərəfindən amansızcasına qətlə yetirilən Təranə Davud qızı Zeynalova dəfn edildi.

Ednews xəbər verir ki, Təranə Zeynalova (1965-ci il təvəllüdlü) 1993-cü il martın 31-də Kəlbəcər rayonunun Qamışlı kəndi ərazisində itkin düşüb. Təranə qohumları ilə birlikdə erməni banditlərindən qaçırdı. “Tunel” adlı yerdə azərbaycanlı qaçqınların hərəkət etdiyi UAZ, QAZ-52 və KAMAZ markalı maşınlar pusquya düşdü. Sakinlərin bir hissəsini erməni vandalları yerindəcə güllələdi, təxminən 60 nəfər əsir götürüldü.

Təranə Zeynalovanın qalıqları Azərbaycan torpaqlarının işğaldan azad edilməsindən sonra Xocalı rayonunun Mülkəbəyli kəndində kütləvi məzarlıqda tapıldı.

Təranə Zeynalova ilə birlikdə itkin düşənlər:
- Alışova Vasila Cəfər qızı (17 yaş)
- Alışova Gümrü Qəmbər qızı (1973-cü il təvəllüdlü)
- Alışova Cahan Məşədi qızı (1937-ci il təvəllüdlü)
- Cəmilova Məsmə Hidayət qızı (1969-cu il təvəllüdlü)
- Əliyev Tural Nadir oğlu (11 yaş)
- Əliyeva Qanira Zülfüqar qızı (1975-ci il təvəllüdlü)
- Əliyeva Nuşaba Məhəmməd qızı (1950-ci il təvəllüdlü)
- Quliyev Məzahir Qara oğlu (10 yaş)
- Quliyev Yaşar Qara oğlu (12 yaş)
- Quliyeva Aygün Qara qızı (3 yaş)
- Zeynalov Hafiz Davud oğlu (9 yaş)
- Zeynalova Röya Abbasəli qızı (1959-cu il təvəllüdlü)
- Zeynalova Qədəmkar Salman qızı (1936-cı il təvəllüdlü)