Yəhudi mühacirlər tərəfindən yaşadıqları evin qundaqlanması nəticəsində ailə üzvlərini itirən və bədəninin 60 faizinin yanmasıyla sağ qalan 5 yaşlı Əhməd Devabişe məktəbə gedib.
"Eurasia Diary" xarici mətbuata istinadən xəbər verir ki, Fələstin Təhsil Nazirliyinin qərarı ilə hücumda həyatını itirən 18 aylıq qardaşı Əli Devabişenin adının verildiyi məktəbdə təhsil almağa başlayan Əhməd, müəllimi və yaxınlarının bütün səylərinə baxmayaraq, danışmamağa üstünlük verib.
Əhmədin əmisi Nasir Devabişe "Məktəbə başladığı bu ilk gündə, anası Riham onu hazırlamalı,atası isə avtomobillə gətirməli idi. Amma indi vəziyyət tamamilə fərqlidir. Bütün ailə Əhmədi hazırlayıb məktəbə gətirmək üçün səfərbər olub. Yeni vəziyyətə alışması üçün onunla danışmağa çalışdıq"-deyə bildirib.
"Qardaşım Saad üçün bəlkə də xüsusi gün olacaq, bu gün hamımız üçün kədərli gündür" deyə Əhmədin əmisi bildirib. Məktəbdə Əhməd üçün uyğun şərait yaratdıqlarını dilə gətirən Nəsr Devabişe "Hər gün onu məktəbə aparmalı və məktəbdən gətirməliyik. Əhmədi normal həyata alışdırmaq və cəmiyyətə inteqrasiya etmək üçün bizə böyük iş düşür".
Qərbi İordan Çayının Nablus şəhəri yaxınlığındakı Duma şəhərində Fələstinlilərə aid bir evin 31 İyul 201-ci ildə Yəhudi mühacirlər tərəfindən yandırılması nəticəsində ailənin 18 aylıq körpəsi Əli Devabişe yanaraq həyatını itirib, ana, ata və 4 yaşlı digər uşaqları Əhməd isə ağır yaralanıb. Hücumdan sonra ata Saad, ana Riham Devabişe də müalicə aldıqları xəstəxanada həyatını itirib, ailənin yeganə sağ qalan üzvü Əhməd isə bədəninin yüzdə 60-ı yanmış olduğundan uzun müddət xəstəxanada müalicə alıb.
