"Gürcüstandakı etirazlar siyasi xarakter alıb" - Qruzinform-un baş redaktoru - ÖZƏL | Eurasia Diary - ednews.net

12 Dekabr, Cümə axşamı


"Gürcüstandakı etirazlar siyasi xarakter alıb" - Qruzinform-un baş redaktoru - ÖZƏL

Ekspert rəyi A- A A+

Gürcüstanın paytaxtında keçirilən etiraz aksiyalarında fasilə yaranmasına baxmayaraq, onların tam başa çatdığını demək üçün çox tezdir. Etiraz edən siyasi partiyaların gündəlik mitinq keçirmək üçün vəsaitləri və əhalinin dəstəyi yoxdur, buna görə növbəti etiraz aksiyasının Zaza Saralidzenin hökumətə ultimatumunun müddəti başa çatdıqdan sonra, bazar günü - 10 iyunda keçirilməsi planlaşdırılır.

Əgər mayın 12-də keçirilən çoxsaylı nümayişlərin səbəbi Tbilisidə polisin iki gecə klubuna reyd təşkil etməsi səbəbindən olmuşdusa, iki həftə sonra, daha çox adam keçən ilin dekabrında 16 yaşlı yeniyetmənin kütləvi dava zamanı öldürülməsində günahkarın adını çəkə bilməyən məhkəmə qərarına etiraz edərək küçəyə çıxmışdı. 

Nümayişçilərin sayı birdən-birə artmışdı. Mayın 31-də Gürcüstanın baş prokuroru İrakli Şotadze etirazçıların tələblərini təmin edərək istefa verdi. İşə yenidən baxılarkən isə Daxili İşlər Nazirliyində bir sıra şəxsləri cinayətlərin araşdırılması zamanı faktların təhrif olunmasında və həmçinin, məhkəmənin qərarına təsir etməkdə şübhəli bilmək üçün əsaslar olduğunu bildirdilər.

Buna baxmayaraq, o dövrdə müxalif siyasətçilər, o cümlədən keçmiş prezident Mixail Saakaşvilinin partiyasından olan nümayişçilər geri çəkilməkdən imtina edib və Gürcüstanın Baş naziri Georgi Kvirikaşvilinin istefasını tələb ediblər.

İctimaiyyətin hökumətin istefası üçün nümayişçilərin tələbləri ilə həmfikir olmayan hissəsi kütləvi davada öldürülən gəncin işinin ədalətli araşdırılmasını tələb edərək Tbilisidəki bir parkda "Siyasətsiz həmrəylik" adlanan alternativ nümayiş keçirdilər.

İyunun 4-də Gürcüstanın Baş naziri ilə görüşdən sonra öldürülən yeniyetmənin atası deyib ki, hökumət 10 iyuna kimi oğlunun işinə dair "konkret nəticələr"i təqdim etməsə, etiraz daha genişmiqyaslı xarakter daşıyacaq.

QRUZİNFORM-un baş redaktoru, politoloq, Gürcüstanın xarici və daxili siyasəti üzrə mütəxəssis Arno Xidirbegişvili Eurasia Diary-ə bildirib ki, Tbilisinin mərkəzindəki etiraz aksiyası ikinci - tamamilə siyasi mərhələyə keçib.

Onun təşkili və keçirilməsi bıçaqlanma nəticəsində qətlə yetirilən mərhum gəncin atası Zaza Saralidzenin əlindən, Mixail Saakaşvilinin rəhbərlik etdiyi Vahid Mİlli Hərəkatı (VMH) başda olmaqla siyasi partiyalara keçib.

Arno Xidirbegişvili nümayişçilərin əsas tələblərini saydı. Son məlumatlara görə, bu, Gürcüstan Baş Prokurorunun razılaşdırılaraq təyin olunması, bu ilin oktyabr ayında keçiriləcək prezident seçkiləri ilə eyni vaxtda hökumətin təcili istefası və erkən parlament seçkilərinin təyin olunmasıdır.

Zaza Saralidzenin özünə gəldikdə isə onun mövqeyi gündə bir neçə dəfə dəyişir: o  gah özünü siyasət və siyasətçilərlə heç bir əlaqəsi olmayan sadə kəndli adlandırır, gah da bütün partiyalar və QHT-lərdən həmrəy olmalarını istəyir. 
 
"Ədalətin zəfər çalması" adı altında Zaza Saralidze öldürülən ikinci yeniyetmənin atası - Levan Dadunaşvilidən fərqli olaraq Gürcüstan Daxili İşlər Nazirinin şəxsi nəzarəti altında yeni araşdırmanın başladılmasını nəzərdə tutmur. 
 
O, həmçinin qeyd edib ki, nümayişlərin ilk günündə Gürcüstanın Baş naziri Georgi Kvirikaşvili xaricdə yenidən araşdırma aparmaq və tanınmış xarici prokurorları istintaqa cəlb etmək qərarını bildirmək üçün etirazçıların qarşısında çıxış etdi, lakin onun ünvanına təhqiramiz ifadələr söyləndi və müxtəlif əşyalar atıldı.
 
Politoloq həmçinin etiraf edib ki, Tbilisililəri axşamlar nümayişlərə toplaşan müxalifət siyasətçilərinin və hakimiyyətdən narazı şəxslərin çıxışlarında üstünlük verdikləri kobud ifadələr qıcıqlandırır.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...