Qəzaya uğrayan “MiQ-29”-la bağlı MÜƏMMA - "Gözdən qaçırmaları mümkün deyildi" | Eurasia Diary - ednews.net

23 Avqust, Cümə


Qəzaya uğrayan “MiQ-29”-la bağlı MÜƏMMA - "Gözdən qaçırmaları mümkün deyildi"

Ekspert rəyi A- A A+

“Hava hücumundan müdafiə sistemlərinin qəzaya uğramış “MiQ-29”-u gözdən qaçırmaları mümkün deyildi”.

Eurasia Diary xəbər verir ki, bu fikirləri "yenicag.az"a açıqlamasında iyulun 24-də qəzaya uğramış MiQ-29 hərbi təyyarəsinin hələ də tapılmamasına münasibət bildirən hərbi ekspert Tərlan Eyvazov deyib.

Tərlan Eyvazovun sözlərinə görə, qəzaya uğramış MiQ-29 hərbi təyyarəsinin axtarışına Türkiyədən mütəxəssislərin dəvət edilməsində ictimaiyyətin mövqeyi mühüm rol oynayıb:

“Azərbaycanın Türkiyə ilə münasibətləri bu məsələdə qardaş ölkənin yardımından faydalanmaq imkanı yaratdı. Düşünürəm ki, Türkiyə NATO üzvü olaraq, bu kimi hallarla bağlı böyük təcrübəyə malikdir. O baxımdan, “MiQ-29”-un axtarışına Türkiyədən mütəxəssislərin dəvət olunması doğru addımdır”.

Bununla belə, ekspert hərbi təyyarənin indiyə kimi tapılmamasının ortaya xeyli suallar çıxardığı qənaətindədir:

“Əslində qəzaya uğrayan hərbi təyyarənin tapılmaması qeyri-mümkündür. Təyyarələrdə İLS, naviqasiya sistemi, GPRS var. Bundan əlavə, hava hücumundan müdafiə sistemləri də bütün uçuş aparatlarını müntəzəm izləyir. Yəni, həmin sistemlərin qəzaya uğramış “MiQ-29”-u gözdən qaçırmaları mümkün deyildi. Bu sadalananları nəzərə aldıqda, hərbi təyyarənin və onun qəzaya uğradığı ərazinin hələ də təsbit edilməməsi çox müəmmalıdır”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...