Putinin dostu Yerevana niyə gedir? - Ekspert | Eurasia Diary - ednews.net

14 Noyabr, Cümə axşamı


Putinin dostu Yerevana niyə gedir? - Ekspert

Ekspert rəyi A- A A+

Rusiya Təhlükəsizlik Şurasının katibi Nikolay Patruşev avqustun 12-də Yerevana səfər edəcək.

Eurasia Diary xəbər verir ki, “Atlas” araşdırmalar mərkəzinin rəhbəri, politoloq Elxan Şahinoğlu Rusiya Təhlükəsizlik Şurasının katibi Nikolay Patruşevin Ermənistana getməsinin səbəblərini şərh edib:

“Patruşev İrəvana formal olaraq erməni həmkarı Armen Qriqoryanın dəvət ilə gedir, çünki bir il əvvəl Ermənistanın Təhlüksəzilik Şurasının katibi özü Moskvaya səfər edib rusiyalı həmkarını İrəvana dəvət etmişdi. Buna baxmayaraq, Nikolay Patruşevin istənilən ölkəyə səfəri adi gəzinti sayılmır. Patruşev ölkəsində əsas vəzifələrdən birinin sahibi olmaqla yanaşı Kreml sahibi Vladimir Putinin dostudur və Rusiya prezidentinin xüsusi və açıq danışılmayan tapşırıqlarını həyata keçirir. Hazırda Moskvanı Ermənistanın baş naziri Nikol Paşinyanın siyasətində iki istiqamət narahat edir. Birincisi, Paşinyan Putinin etirazlarına rəğmən, keçmiş prezident Robert Köçəryanı həbsdə saxlamaqda davam edir, ikincisi, Ermənistanın baş naziri Dağlıq Qarabağda gələnilki “prezident seçkisində” öz adamını otuzdurmağa çalışır, Moskva bunu da istəmir. Patruşev böyük ehtimalla Ermənistan hakimiyyətinin diqqətinə bu iki məsələni çatdıracaq ”.

Politoloq hər iki məsələdə tərəflərin israrlı olduğunu xüsusilə vurğulayıb:

“Paşinyan Köçəryanı həbsdən buraxsa “Qarabağ klanının” simasında qarşısındakı müxalifət güclənəcək. Dağlıq Qarabağda isə öz adamını ona görə otuzdurmağa çalışır ki, ona qarşı qiyam Xankədidən başlamasın. Ancaq Paşinyan bunları həyata keçirərkən Moskvanın maraqları ilə tərs düşür və bu tərsliyin Ermənistanın baş nazirinə necə baha başa gələ biləcəyini anlatmaq üçün Patruşev İrəvana gedir “.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...