Azərbaycanın qonşuluğunda yerləşən və müsəlman ölkəsi olan İranın Ermənistanla iqtisadi əlaqələri genişləndirməsini əngəlləmək üçün rəsmi Bakı hansı addımlar atmalıdır? Bu məsələdə Azərbaycanın üzərinə düşən hansı işlər var?
Eurasia Diary xəbər verir ki, moderator.az-a açıqlama verən “Atlas” Araşdırmalar Mərkəzinin rəhbəri, politoloq Elxan Şahinoğlu Azərbaycanın İranla əməkdaşlığı genişləndirməsinə cidid ehtiyac olduğunu vurğuladı:
“Bu xəbər erməni mənbələrindən qayanqlandığı üçün onun həqiqət olub-olmadığını söyləmək çətindir. Ermənilər çox çalışırlasr ki, İranı Ermənistanla müttəfiq kimi qələmə versinlər. Şübhəsiz, İranın Ermnənistanla bağlı siyasətində bizim suallarımızın sayı çoxdur. Mən iyun ayında İrana səfər edəndə Tehranda bir sıra görüşlər keçirdim. Mən ordakı diplomatlardan, ekspertlərdən də soruşdum ki, Paşinyanı Tehrana səfərə dəvət etmək nə dərəcədə doğru idi? Paşinyan orada təxribat etdi və İran da bu təxribatın əleyhinə çıxdı. Mənə bildirdilər ki, Ermənistan qonşu dövlət olduğu üçün Paşinyanı İrana dəvət ediblər və Azərbaycana daha çox üstünlük verirlər.
Təbrizdə olarkən sənaye müəssisələrinin cəmləşdiyi bir məkanda oldum. Orada bir sıra müəssisə rəhbərləri ilə görüşdüm. Gördüm ki, Təbriz Azərbaycan şəhəri olmasına, sənaye komplekslərinin rəhbərlərinin azərbaycanlılar olmasına rəğmən, onların bəzisi Ermənistanla əlaqələrə malikdir. Bu da mənə pis təsir etdi. Mən bu əlaqələrin səbəbi haqqında soruşanda dedilər ki, Azərbaycan bizimlə əməkdaşlığa o qədər də maraq göstərmir.
Biz İranın Ermənistanla əlaqələrindən narazıyıq. Amma bzi özümüz də fəal olmalıyıq. İranla əməkdaşlığı genişləndirməliyik ki, İran Ermənistanla əməkdaşlıqdan qopsun.
İran prezidentinin mümkün səfərinə gəlincə, mənim üçün çətindir deyim ki, İranı Ermənistana nə cəlb edir. Çünki Ermənistan varlı, zəngin ölkə olsaydı, o zaman düşünmək olardı ki, İran bu ölkə ilə əməkdşlıqdan nə isə qazanmağa çalışır. Lakin Ermənistan kasıb, ciddi iqtsiadi persapektivi olmayan bir ölkədir.
Erməni mənbələrindən qaynaqlandığı üçün mən İran prezidentinin Ermənistana səfərinə inanmrıam. Lakin belə bir səfər reallaşarsa, o zaman bu səfər təbii ki, bizim tərəfimizdən müsbət qarşılana bilməz. Ancaq bu səfər reallaşsa belə, kasıb Ermənistanla İran arasında böyük iqtisadi layihələrlə bağlı sazişlərin imzalanmasını mümkün hesab etmirəm. Çünki Ermənistanın potensialı buna imkan vermir”.