Baş Katib açıqladı: Ukrayna NATO-ya üzv olur - Putin nə edəcək? | Eurasia Diary - ednews.net

22 Noyabr, Cümə


Baş Katib açıqladı: Ukrayna NATO-ya üzv olur - Putin nə edəcək?

Ekspert rəyi A- A A+

Ötən gün NATO baş katibi Yan Stoltenberq Ukraynanın “1+1” proqramına verdiyi müsahibədə Ukraynanın NATO-ya inteqrasiyası ilə bağlı önəmli açıqlamalar verib.

Stoltenberq Ukraynanın NATO üzvü olmasında heç bir maniyənin olmadığını vurğulayıb:

“NATO-dakı müttəfiq dövlətlərin hər biri Ukraynanın NATO üzv omasına qərar verib. Ukraynanın NATO sisteminə inteqrasiyası üçün gərəkli olan reformasiyaların həyata keçirilməsində rəsmi Kiyevə yardım edəcəyik”.

Qeyd edək ki, 30 oktyabrda Ukraynada rəsmi səfərdə olan Stolenberq mətbuata verdiyi açılamada NATO-nun qapılarının hər zaman Ukraynanın üzünə açıq olduğunu bildirmişdi.

Stoltenberqin açıqlamaları beynəlxalq ictimaiyyət tərəfindən Ukraynanın NATO-ya üzvlüyünün yaxın günlərdə reallaşacağı fikrini formalaşdırdı. Lakin unutmaq olmaz ki, Putin hələ Ukraynanın NATO üzvü olmaq niyyətlərinin yeni-yeni dilə gətirildiyi zamanlarda buna sərt etiraz etmiş və “imkan verməyəcəyik” deməklə həm Qərbə, həm də rəsmi Kiyevə ciddi mesaj vermişdi. Daha sonra Kırım problemi baş vermiş, Rusiya Ukrayna ərazilərinin bir qismini nəzarətinə götürmüşdü.

Mövzuyla bağlı ukraynalı politoloq Vadim Tryuxan Eurasia Diary-ə ekskluziv müsahibə verib.

Politoloq NATO baş katibinin açıqlamalarını şərh edərkən Ukraynanın NATO-ya qısa zamanda üzv ola bilməyəcəyini qeyd edib:

“Sözün düzü, Ukraynanın NATO-ya üzv olması qısa zamanda mümkün deyil. Buna zaman lazımdır. Əvvəlcə, ölkə daxilində və regionda bir çox problemlər həllini tapmalıdır. Həmçinin Ukrayna NATO standartlarına cavab vermək üçün bir çox islahatlar həyata keçirməlidir. Lakin qeyd edə bilərəm ki, hazırkı hökumət əvvəlkinə nisbətən bu məsələdə daha ciddi addımlar atır və intensiv çalışır. Düşünürəm ki, NATO Baş Katibi Stoltenberq ona görə məhz indi belə açıqlamalar verib ki, Ukrayna hökumətinə öz dəstəyini ifadə etsin və onun Rusiyanın potensial təhdidlərindən çəkinməməsini təmin etsin”.

V.Turxan həmçinin Ukraynanın NATO-ya üzv olması ehtimalında Rusiyanın sərgiləcəyi mövqeyi belə izah edib:

“Rusiya Ukraynaya edəcəyini edib. Mən belə hesab edirəm ki, problem rusların Ukraynanın NATO üzvü olmasını istməməsində deyil, problem ondadır ki, Rusiya ümumiyyətlə suveren və müstəqil Ukraynanın mövcudluğunu istəmir. Eyni zamanda təbii ki, Rusiya Ukraynanın NATO-ya daxil olmasına bacardığı qədər müqavimət göstərib və göstərəcək. Çünki Ukraynanın NATO-ya üzv olması digər post-sovet ölkələrinin də bu sistemə inteqrasiyasına təkan verəcək”.

Nicat İSMAYILOV

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...