Nijni Novqorodun “Dinamo” idman kompleksində Rusiya Federasiyasının əməkdar bədən tərbiyyəsi işçisi, ümumittifaq kateqoriyalı hakim, polis polkovniki, həmyerlimiz Eldar İsmayılovun xatirəsinə mini-futbol turniri keçirilib.
"Eurasia Diary" xəbər verir ki, Ümumrusiya Azərbaycan Konqresi (ÜAK) Nijni Novqorod regional bölməsinin mətbuat xidmətinin verdiyi məlumata görə, hər il təşkil edilən və hal-hazırda artıq səkkizinci dəfə keçirilən idman tədbiri Rusiya Daxili İşlər Nazirliyi (DİN) Nijni Novqorod vilayəti üzrə Baş İdarəsi (Bİ) və ÜAK Nijni Novqorod regional bölməsinin təşkilatçılığı ilə ərsəyə gəlib.
Ənənə üzrə turnirdə Eldar İsmayılovun dostları və həmkarları, onun yetirmələri, şəhər və vilayətin Azərbaycan icmasının, Ümumrusiya Azərbaycan Konqresinin nümayəndələri, eləcə də onun ailə üzvləri iştirak ediblər.
Rusiya DİN Nijni Novqorod vilayəti üzrə Baş İdarəsi peşəkar hazırlıq şöbəsinin rəisi, polis polkovniki Sergey Yakuşev qeyd edib ki, Eldar İsmayılov 30 ildən artıq SSRİ və Rusiya DİN orqanlarında çalışıb, uzun illər ərzində Rusiya DİN Nijni Novqorod vilayəti üzrə Baş İdarəsi peşəkar hazırlıq şöbəsinə rəhbərlik edib, şəxsi heyətin peşəkar hazırlıq səviyyəsinə böyük diqqət ayırıb, özü idmançı olub, 58 yaşınadək Rusiya DİN Nijni Novqorod vilayəti üzrə Bİ komandasının qapıçısı olub, öz nümunəsi ilə gənclərə göstərib ki, sağlamlığı, nikbinliyi və idman hazırlığını uzun illər qoruyub saxlamaq mümkündür. O həmçinin bu idman bayramına dəstək verənlərə təşəkkürünü bildirərək hamıya gözəl oyun və idman bəxti azrulayıb.
Açılış mərasimində Eldar İsmayılovun övladları – Ruslan və Lüdmila, eləcə də onun həyat yoldaşı Zoya Danilovna İsmayılova da çıxış ediblər.
ÜAK Nijni Novqorod regional bölməsinin icraçı direktoru Roman Ağayev turnir təşkilatçıları və iştirakçılarına minnətdarlığını ifadə edərək onlara bu idman hadisəsinə göstərdiyi maraq və diqqətinə görə təşəkkür edib. “Eldar İsmayılovun ömür yolu və fəaliyyəti əsl dostluq və qardaşlıq, qarşılıqlı yardım və dəstək nümunəsidir. Biz fəxr edirik ki, Eldar Əsgəroviç əsl vətənpərvər və ölkəsinin vətəndaşı olduğunu özündə əks etdirir. Biz bu cür tədbirləri olduqca önəmli və vacib ictimai məna kəsb etdiyini hesab edirik”, - deyə R.Ağayev vurğulayıb.
E.İsmayılovun xatirəsinə həsr olunmuş hazırkı turnirin iştirakçıları altı komanda olub. Onlar arasında DİN vilayət üzrə Bİ-nin, Dövlət Təhlükəsizlik Xidməti İnstitutunun, Fövqəladə Hallar Nazirliyi vilayət üzrə Bİ-nin, Cəzaıarın İcrası üzrə Federal Xidməti (CİFX) Bİ-nin, Nijni Novqorod DİN Akademiyasının və KİV komandalarıdır.
Polis orkestrinin müşayiəti ilə futbol komandaları arasında püşkatma mərasimi keçirilib, oyunların ardıcıllığı müəyyənləşdirilib və bununla da turnirə start verilib. Turnirin final matçında FHN komandasını məğlub edən polislər qələbə qazanıblar. Nijni Novqorod DİN Akademiyasının komandasını üstələyən CİFX futbolçuları üçüncü olublar.
İdman yarışmasının bütün qaliblərinə və turnirin ən yaxşı oyunçularına fəxri fərmanlar, kuboklar və hədiyyələr təqdim edilib.
.jpeg)
