“Frayburq”un yarımmüdafiəçisi Rolland Şallai ciddi zədə alıb.
Ednews "sport.ru"-ya istinadən xəbər verir ki, “Bayer”lə səfər matçının 4-cü dəqiqəsində rəqib futbolçunun zərbəsi onun gözünə dəyib.
Macarıstan millisinin də 25 yaşlı futbolçusu olan Şallai “Frayburq”un liderlərindən sayılır. Onun qarşıdakı matçlarda iştirak edib-etməyəcəyi tibbi müayinədən sonra dəqiqləşəcək.
Qeyd edək ki, “Frayburq” növbəti görüşünü sentyabrın 8-də öz meydanında “Qarabağ”a qarşı keçirəcək.
Avropa Liqasının qrup mərhələsinin bu oyunu Bakı vaxtı ilə saat 23:00-da başlanacaq.
