Braziliyalı üçqat dünya çempionu Pele vəfat edib.
Ednews xəbər verir ki, bu barədə " Assosiated Press” məlumat yayıb.
O, uzun müddət xərçənglə mübarizə aparıb. Belə ki, xəstəlik 2021-ci ilin payızında Peledə aşkarlanıb. Bundan sonra 82 yaşlı braziliyalı kimyaterapiyadan keçib, lakin sonradan orqanizm buna cavab verməyi dayandırıb.
Qeyd edək ki, “Futbol kralı” futbolçu kimi yeganə üçqat dünya çempionu olub. O, Braziliya yığmasının heyətində 92 matç keçirib və 77 qol vurub. Əfsanəvi idmançı Beynəlxalq Futbol Federasiyasının versiyasına görə XX əsrin ən yaxşı futbolçusu elan edilib.