“Eurasia Diary” Anadolu-ya istinadən xəbər verir ki, ABŞ-ın Mərkəzi Kəşfiyyat İdarəsinin internet istifadəçiləri üçün açıq elan edilən, məxfiliyi aradan qaldırılan sənədlərində terror təşkilatları olan PKK və ASALA-nın 1980-ci ildə ittifaq şəklində fəaliyyəti və birlikdə terror həyata keçirdikləri, PKK-nın içərisində erməni terrorçularının da olduğu təşkilatlarla əlaqəsinin olduğuna dair faktlar üzə çıxıb.
Bu iki təşkilatın əlaqələri MKİ-nin kəşfiyyat sənədlərində və terrorizm haqqındakı hesabatlarında əks olunub.
Sənədlər arasında diqqət çəkən hesabatlardan biri də 1984-ci il, yanvar tarixli "Erməni Gizli Ordusu" adlı hesabat olub. Hesabatda ASALA terror təşkilatı haqqında MKİ-nin verdiyi ətraflı məlumatlar və təşkilatın quruluşu haqqında təhlillər yer alıb.
Hesabatın "Təşkilatın Dəyişən Taktikaları və Təşkilatçılığı" başlıqlı hissəsində iki təşkilat arasındakı əlaqəni göstərən qeydlər var.
Bu hissədə "ASALA, PKK ilə ittifaq yaratdığını və 1980-ci ilin noyabrında PKK ilə Fransanın Strasburq Şəhəri ndəki Türk Konsulluğuna hücum təşkil etdiyini qəbul edib" - yazılıb.
Başqa bir sənəddə də PKK terror təşkilatının Türkiyədəki ideologiyası və silahlı strukturundan bəhs edilib.
26 Avqust 1985-ci il tarixli sənəddə PKK ilə Erməni terrorçuların əlaqəsi haqqında "1984-ci ilin yayında PKK, öz xadimlərindən, digər Kürd və sol qruplardan və bəzi Erməni terrorçulardan ibarət olan “HRK” adlı birlik təşkil edib”-deyə qeyd edilib.
Həmin sənəddə PKK-nın quruculuq və aksiya keçirmək, təşkil etmək sahəsində Erməni terror təşkilatlarını özünə model kimi seçdiyi, bu cür şiddəti "psixoloji təsir" yaratmaq üçün istifadə etdiyi bildirilib.
Vüsalə