Koreya Respublikasının prezidenti Mun Ce-in ilə Koreya Xalq Demokratik Respublikasının lideri Kim Çen In arasında tarixi görüş keçirilib. 65 ildən sonra baş tutan ilk görüşün bəzi detalları məlum olub.

Şimali Koreya lideri Kim Çen In Mun Ce-inlə zarafatlaşmağı da unutmayıb.

 

“Raket sınaqları səbəbiylə daim yuxudan tez oyandığınızı eşitdim. Söz verirəm ki, bundan sonra yuxudan tez oyanmayacaqsınız”.

Kim əlavə edib ki, belə görüşlər tez-tez baş tutmalıdır: “Birlikdə daha yaxşı bir dünya inşa edə bilərik. Paytaxt Seula səfər edəcəyimə söz verirəm”. 

Kim “Sülh evi”ndəki xatirə dəftərinə bu sözləri yazıb: “Bu andan etibarən yeni tarix başlayır, bir sülh çağının tarixi başlanğıc nöqtəsində...”.



Görüşün mətbuata açıq hissəsində Kim Cənubi Koreya Respublikasının prezidenti Mun Çje İnə bildirib ki, onunla açıq, səmimi, dürüst danışıqlar aparacaq: “Burada olmaqdan çox sevincliyəm. Bu zirvə toplantısından yaxşı nəticə əldə etməyi düşünürəm. Zirvədəki razılaşmaların keçmişdə olduğu kimi yerinə yetirilməyən nəticələrə səbəb olmasındansa, birlikdə əl-ələ hərəkət edə biləcəyimiz bir şans olmasını arzulayıram".



Mun ise görüşə gəldiyi üçün Kimə təşəkkür edib: “Kim hərbi səddi keçib. Beləliklə, Panmuncom ayrıılğın yox, sülhün simvolu oldu. Zirvədə razılığa gələcəyimizə ümid edirəm. Dünyada sülh istəyən hər kəsə, həmçinin öz xalqıma mükəmməl hədiyyə verə biləcəyimi ümid edirəm”.

Qeyd edək ki, yerli saatla 12:00-da bitən ilk turun ardından tərəflər ayrı-ayrılıq nahar edəcəklər. Sonra yenidən görəşərək, birlikdə ağac əkəcəklər. İki ölkədən gətirilən torpaqlarla əkiləcək ağacın yanına “bura sülh və rifah əkirik” sözləri yazılmış xatirə daşı qoyulacaq.