Ermənistan və İran Energetika nazirlikləri Araz çayı üzərində su elektrik stansiyasının yaradılmasıyla ilə bağlı işçi qrup yaradıblar.
Eurasia Diary xəbər verir ki, bunu “Sputnik Ermənistan”a açıqlamasında Ermənistanın Energetik İnfrastrukturu və Təbii Resurslar nazirinin müavini Qaregin Baqramyan deyib. O, işçi qrupun ilk növbədə SES-in gücünü müəyyən edəcəyini bildirib.
Qeyd edək ki, Araz çayı üzərində SES-in yaradılması məsələsi Tehranla 2006-cı ildən müzakirə edilməyə başlanıb. Tikinti barədə memorandum 2011-ci ildə imzalansa da, sonra AB-nin İran neftinə embarqo qoyması layihənin dayandırılmasına səbəb olub.
