“Mənə bir yol buraxılmazsa, o zaman partiya qurma variantı qalır” - Davudoğlu | Eurasia Diary - ednews.net

20 Avqust, Çərşənbə axşamı


“Mənə bir yol buraxılmazsa, o zaman partiya qurma variantı qalır” - Davudoğlu

Dünya A- A A+
“Bu qədər fasilədən sonra mənə başqa bir yol buraxılmazsa, geriyə partiya qurma variantı qalır”.
 
Eurasia Diary xəbər verir ki, YouTube-dan yayınlanan “BiDeBunuİzle” proqramının qonağı olan Türkiyənin keçmiş baş naziri Əhməd Davudoğlu yeni partiya qurub-qurmayacağı barədə suala cavab verərkən bu fikirləri bildirib.
 
Baş nazirlikdən istefa verdikdən 3 il sonra ilk dəfə sükutu pozan Əhməd Davudoğlu mənsub olduğu Ədalət və İnkişaf Partiyasının (AKP) hazırkı fəaliyyətinə dair fikirlərini bildirib və AKP-dən istefa verib, yeni partiya qurulacağı söylənən keçmiş nazir Əli Babacan haqqında da danışıb.
 
“Əli Babacana keçmiş prezident Abdullah Gülün dəstək verdiyi məlumdur. Yeni partiya qurumaq planı olan iki isim – Əhməd Davudoğlu və Əli Babacan nə səbəbə birgə partiya qurmaq yolunu seçmədi?” sualına “Əli Babacan və Abdulla Güllə birgə fəaliyyətdə olmadığımızın səbəbi mənə də məlum deyil”, cavabını verib.(apa)
 
O, sabiq baş nazir Əli Babacanla münasibətlərində heç bir problem olmadığını deyib. Əli Babacanı dövlət işlərində yetişkən bir şəxs olaraq tanıdığını vurğulayıb: “Aramızda hər zaman bir-birimizə güvənilən bir münasibət olub. Türkiyənin Babacan kimi insanlara ehtiyacı var. Yetişkən dövlət adamlarından birini belə itirmək böyük israfdır. Amma mən birgə fəaliyyətimiz üçün bacardığım qədər çalışdım. Partiya işində də, partiyadan kənarda da çox söhbətlərimiz oldu. Babacanı ciddi bir siyasətçi, diqqətli və ehtiyatlı bir şəxs olaraq tanıyıram. Onun arxasında durmağı özümə borc sayıram. Amma bu gün nə səbəbə birgə fəaliyyətdə deyilik, bunu mən də bilmirəm”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...