Patruşev Ermənistanda səfərdədir - Erməni həmkarı Qriqoryanla nələrdən danışıb? | Eurasia Diary - ednews.net

16 Sentyabr, Bazar ertəsi


Patruşev Ermənistanda səfərdədir - Erməni həmkarı Qriqoryanla nələrdən danışıb?

Dünya A- A A+

Rusiya Təhlükəsizlik Şurasının katibi Nikolay Patruşevin Ermənistana səfəri başlayıb.

Eurasia Diary virtualaz.org-a istinadan xəbər verir ki, bu barədə Rusiya Təhlükəsizlik Şurasının Mətbuat xidməti məlumat yayıb.

Bildirilir ki, N. Patruşev Ermənistan Təhlükəsizlik Şurasının katibi Armen Qriqoryanla iki ölkənin milli və informasiya təhlükəsizliyi məsələlərini müzakirə edib.

Qeyd olunur ki, tərəflər təhlükəsizlik şuraları, hüquq-mühafizə orqanları, hərbi idarələr və xüsusi xidmət orqanları vasitəsilə Rusiya ilə Ermənistan arasında əməkdaşlığa dair geniş məsələləri nəzərdən keçiriblər.

Həmsöhbətlər regional təhlükəsizliyin vəziyyəti ətrafında fikir mübadiləsi aparıblar.

Qriqoryan və Patruşev iki ölkənin AAİK, MDB, KTMT və BMT Baş Assambleyası çərçivəsində qarşılıqlı əlaqələri barədə də danışıblar.

Rusiya Təhlükəsizlik Şurasının katibi Moskva ilə Yerevan arasında beynəlxalq informasiya təhlükəsizliyi məsələlərində sıx əməkdaşlığın vacibliyini vurğulayıb. Onun fikrincə, bu məsələ iki dövlətin sabit inkişafı, habelə terrorizm və ekstremizmə qarşı effektiv mübarizə üçün ciddi əhəmiyyət kəsb edir.

Sonra Nikolay Patruşev Ermənistanın baş naziri Nikol Paşinyanla danışıqlar aparıb. Görüşdə beynəlxalq gündəmdəki aktual məsələlər, xüsusən Suriyada dinc həyatın bərpası müzakirə edilib.

Xatırladaq ki, Suriyada Rusiya qüvvələrinin tərkibində erməni silahlı qüvvələrinin məhdud kontingenti də iştirak edir. Erməni mütəxəssislərin Suriyada qalması, statusu, fəaliyyəti və təhlükəsizliyi məsələləri Ermənistan qanunvericiliyinə uyğun olaraq tənzimlənir. Erməni mütəxəssislərin Suriyaya çatdırılması, eləcə də onların maddi-texniki təminatı isə Rusiya tərəfinin dəstəyi ilə həyata keçirilir.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...