Erməni əsilli Amerika konqresmeni Jeki Speyer ABŞ Konqresi nümayəndə heyətinin 2019-cu il oktyabrın 1-də həftəlik ziyarətlə Ermənistana gələcəyini bildirib.

 

Eurasia Diary xəbər verir ki, Rusiya mediasının yaydığı məlumatda belə deyilir.

 

“Əminəm ki, biz Ermənistanda yeni bir gerçəkliyin şahidi olmaqdan qürur duyacağıq. Böyük problemlərə baxmayaraq Ermənistandakı demokratiya hiss olunacaq vəziyyətə gəlib”-deyə ermənipərəst konqresmen bəyan edib.

 

Səfər zamanı Amerika konqresmenlərinin Ermənistan hökuməti ilə iki ölkə arasındakı əməkdaşlığın əməli addımlarını müzakirə edəcəkləri bildirilir.

 

Xatırladaq ki, oktyabrın 1-də Rusiya Prezidenti Vladimir Putin, İran prezidenti Həsən Ruhani və digər liderlərin Avrasiya İqtisadi Birliyinin (AİB) sammiti çərçivəsində Ermənistana səfər edəcəyi gözlənilir.   

 

Qeyd edilir ki, bir müddət  öncə Rusiyanın Ermənistandakı səfiri Sergey Kopırkin Prezident Vladimir Putinin oktyabrın əvvəlində AİB iclası ilə bağlı İrəvana səfər planlarının dəyişmədiyini söyləyib. (moderator.az)

 

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan