İranın cənubundakı Fars əyalətinin mərkəzi Şirazda ötən gün meydana gələn 5,4 bal gücündəki zəlzələdə xəsarət alanlar olub.
Əyalətin təcili yardım mərkəzinin sədri Məhəmməd Cavad Muradyan 33 nəfərin xəsarət aldığını "Fars" agentliyinə açıqlayıb.
Onlardan 2-i xəstəxanaya yerləşdirilib. Qalanları isə ambulator müalicədədir.
Qeyd edək ki, Tehran Universiteti Seysmologiya Mərkəzi ötən gün yerli vaxtla 16:58-də Xanı Zinyan qəsəbəsində 5,4 bal gücündə zəlzələ olduğunu açıqlamışdı.
***
İranın Fars əyalətində güclü zəlzələ baş verib.
Eurasia Diary apa-ya istinadən xəbər verir ki, Fars əyalətinin Xanə Zənyan bölgəsində qeydə alınan zəlzələ 5.4 bal gücündə hiss olunub. Bölgəyə xilasedicilər və ekspert qrupu göndərilib.
Hələlik ölən və yaralananlar barədə məlumat yoxdur.
