Pakistanda yeni növ koronavirusa yoluxanların sayı min nəfəri keçib. Martın 23-də bu rəqəm 799 olub.
Pakistan mətbuatı xəbər verir ki, Sind əyalətində 413 adam bu virusa yoluxub. Pəncabda 296, Bəlucistanda 115, Qilqit-Baltistanda 81, Xayber-Paxtunxvada 78, İslamabadda 16 adam virusa tutulub. Ölkə üzrə 7 nəfər koronavirusdan ölüb.
Martın 25-dən yük təyyarələri və xüsusi reylər istisna olmaqla, ölkədaxili aviareyslər, dəmir yolu və ictimai nəqliyyatın hərəkəti dayandırılıb.