ABŞ-ın Minneapolis şəhərində afroamerikalı Corc Floydun ölümündən sonra internet istifadəçiləri sosial şəbəkələri dəstək və həmrəylik məqsədi ilə istifadə etməyə davam edirlər.
İyunun 2-də "Blackout Tuesday" adı altında irqi ayrıseçkilik problemi haqqında məlumatlılığın artırılması kampaniyası keçirilib.
Floydun öldürülməsindən sonra sosial şəbəkələrdə qara kvadrat şəkilləri yerləşdirilməyə başlanılıb.
Paylaşımlar Tvitter, İnstaqram, TikTok, Yutub sosial şəbəkələrində və digər platformalarda yer alıb.
Kampaniyaya “Nike”, “Reebok”, “Prada”, “Armani”, “L`Oreal”, “Estée Lauder” və s. dünyaca məşhur brendlər, eləcə də aktrisa Emma Stoun, müğənni Billi Ayliş və digər tanınmış şəxslər qoşulub.(Qafqazinfo)
