Hindistanın Baş naziri Narendra Modi 26 noyabr 2020-ci il tarixində Bərpa olunan Enerji sahəsinə İnvestisiya ilə bağlı 3-cü Qlobal Görüş və Sərginin (RE-Invest 2020) açılışını edib. Sammit Alternativ və Bərpa olunan Enerji Nazirliyi tərəfindən təşkil olunub. “RE-Invest 2020” sammitinin mövzusu “Davamlı Enerji Keçidinə dair İnnovasiyalar”dır.
Eurasia Diary Hindistanın Azərbaycandakı səfirliyindən aldığı məlumata görə, Hindistanın baş nazir qısa müddət ərzində bərpa olunan enerji sektorunun istehsal gücünün meqavatdan qiqavata doğru artmasından və “Bir Günəş, Bir Dünya, Bir Şəbəkə” layihəsinin gerçəkləşməsindən məmmun qaldığını bildirib. Bütün bunların hamısı əvvəlki tədbirlərdə müzakirə olunub. O qeyd edib ki, son 6 ildə Hindistan misilsiz məsafə qət edib. O , Hindistanın hər bir vətəndaşının sahib olduqları bütün bacarıqlarının müəyyənləşdirilməsi məqsədilə elektrik enerjisi ilə təmin edilməsi üçün Hindistanın istehsal gücü və şəbəkəsinin genişləndirildiyini vurğulayıb. Bu gün Hindistanın bərpa olunan enerji gücü dünyada dördüncü ən böyük enerji gücüdür və bütün böyük ölkələr arasında ən yüksək sürətlə inkişaf edir. Hindistanda bərpa olunan enerji tutumu hazırda 136 qiqavatdır, bu da ümumi tutumun təxminən 36% -ni təşkil edir.
Narendra Modi Hindistanın illik bərpa olunan enerji tutumunun 2017-ci ildən bəri kömür əsaslı istilik enerjisindən daha çox olmasından məmmun olduğunu dilə gətirdi. O, son 6 ildə Hindistanın təsis edilmiş bərpa olunan enerji tutumunun iki dəfə yarım artdığını vurğulayıb. O qeyd edib ki, bərpa olunan enerjiyə əlverişli olmadığı təqdirdə belə erkən sərmayə qoymaq, xərcləri aşağı endirən miqyasın əldə edilməsinə kömək edib. O bildirib ki, biz dünyaya sağlam ətraf mühit siyasətinin həm də sağlam iqtisadiyyat ola biləcəyini göstəririk. O, enerji səmərəliliyinin sadəcə bir nazirlik və ya departamentlə məhdudlaşmadığını, bunun bütün hökumət üçün hədəf halına gətirildiyini vurğulayıb. Enerji səmərəliliyinə nail olmaq bütün siyasətimizin diqqət mərkəzindədir.
Hindistanın baş naziri elektronika istehsalında “Performansla Bağlı Təşviqlər” adlı ödəniş formasının (PLI) əldə etdiyi uğurdan sonra, yüksək səmərəli günəş modullarına bənzər işlər görmək qərarı verdiklərini bildirdi. O, “Biznesin aparılmasının asanlığı”nın təmin edilməsinin ən böyük prioritet olduğunu və investorlara köməklik göstərmək üçün xüsusi Layihə İnkişaf etdirmə qurumlarının yaradıldığını vurğulayıb. Önümüzdəki on il üçün bərpa olunan enerji yerləşdirmə ilə bağlı böyük planlarının olduğunu və il ərzində təxminən 20 milyard dollar dəyərində iş perspektivləri yaratacağını açıqlayıb. Hindistanın baş nazir investorları, inkişaf etdiriciləri və müəssisələri Hindistanın bərpa olunan enerji səyahətinə qoşulmağa dəvət edib.
