“Vətənpərvər qərbyönümlülər hökumətin əmri və ya səssiz razılığı ilə dünəndən bəri Rusiyanın AŞPA-dakı nümayəndə heyətinin fəaliyyətindən sonra yeni anti-Rusiya isteriyasını qaldırıblar. Nə baş verir, cənablar? Addımlarınızda və hərəkətlərinizdə dərin bir faciə olduğu üçün nə istədiyinizi deyə bilərsinizmi?”

Eurasia Diary Konkret.az-a istinadən xəbər verir ki, bu sözləri Ermənistanın Vatikandakı keçmiş səfiri Mikael Minasyan deyib.

O, daha sonra vurğulayıb:

“Əvvəla, ümid edirəm ki, siz Qərbə lazım olmadığınızı bilirsiniz. Bütövlükdə, Ermənistana heç bir dövlətin ehtiyacı yoxdu. Amma siz kor-koronə qərbpərəst olduğunuz üçün bütün gücünüzlə Ermənistanın tarixindəki ən antirus liderə dəstək verirsiniz.

Yeri gəlmişkən, sizin üçün də pis bir xəbərim var: Rusiyanın da bir siyasi qüvvə olaraq sizə ehtiyacı yoxdur. Reallıq fərqlidir: həm ruslar, həm də Qərb ehtiyac duyduqlarını bizdən aldılar. Və tərəflərin heç biri mövcud status-kvonu dəyişdirmək istəmir.

Diqqət yetirdinizsə, beynəlxalq instansiyalarda nə qədər mübarizə aparırıqsa, məyusluğumuz bir o qədər artır. Biz ermənilər bir vacib şeyi başa düşmədik: dövlətlərin öz maraqları var və müvəffəqiyyətin yeganə düsturu maraqların birləşdirilməsi, yorulmaz və ardıcıl şəkildə ortaqlarla işləməkdir. Bunun üçün təhsil, peşəkarlıq, təcrübə, insan münasibətləri, yorulmaz iş, diplomatik tutarlılıq lazımdır.

Ermənistan indi özünü anlaşılmaz münasibətlər labirintində hiss edir. Vaxtilə ruslara nifrət edən Nikol indi Rusiya köləsidir. Nikoldan iyrənən qərbyönümlü QHT-lər indi rus köləsinə, rusiyapərəst siyasi qüvvələrə tərəfdar olublar.

Nəticə isə belədir: Ermənistan qan tökdü – 5000 erməni cəsədindən imtina edib, Artsaxı itirərək öz oğullarını Bakının meşələrində və həbsxanalarında qoyub getdi”.