Koçaryanın Paşinyana qarşı iddiası əsasında məhkəmə başlayıb | Eurasia Diary - ednews.net

14 İyun, Bazar ertəsi


Koçaryanın Paşinyana qarşı iddiası əsasında məhkəmə başlayıb

Dünya A- A A+

Yerevan məhkəməsi bu gün Ermənistanın sabiq prezidenti Robert Koçaryanın baş nazir vəzifələrini icra edən Nikol Paşinyana qarşı iddiasına baxmağa başlayıb.

"RİA Novosti”dən verilən məlumata görə, N.Paşinyan böhtanda günahlandırılır.

İddia 2020-ci ilin aprelində qaldırılıb. Sabiq prezidentin vəkillər komandasının mətbuat katibi Elina Saakova bildirib ki, iddia N.Paşinyanın referendum kampaniyası çərçivəsində Sünik bölgəsindəki mitinqlərdən birində verdiyi bəyanatla bağlıdır. Belə ki, N.Paşinyan mitinq zamanı sabiq prezident R.Koçaryanın topladığı böyük məbləğdə pul vəsaitini ordunun ehtiyaclarına yönəldəcəyinə söz verib.

Mətbuat katibinin sözlərinə görə, iddiaçı 2 milyon dram (təxminən 4 min dollar) təzminat tələb edir.

Bundan əvvəl də Koçaryanın vəkilləri Paşinyana qarşı iddia qaldırıblar. İddia hökumət başçısının sabiq prezidenti 2008-ci ildə müxalifət nümayişləri zamanı qətllər təşkil etməkdə günahlandırması ilə bağlı irəli sürülüb.

Report.az

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...