Çin səfiri Britaniya parlamentinə buraxılmayacaq - "Qorxaq əməl" | Eurasia Diary - ednews.net

20 Oktyabr, Çərşənbə

Çin səfiri Britaniya parlamentinə buraxılmayacaq - "Qorxaq əməl"

Dünya A- A A+

Çinin Böyük Britaniyada yeni təyin olunmuş səfiri Jenq Zequanq bu ölkənin parlamentinə daxil olmaq hüququndan məhrum edilib.

EDNews.net Unikal.org-a istinadən xəbər verir ki, belə bir qərar Çinin Britaniya millət vəkillərinə qarşı sanksiyalarına cavab olaraq verilib.

İcmalar palatasının sədri Lindsay Hoyl sanksiyalar ləğv edilməyinə qədər bu qadağanın qüvvədə qalacağını açıqlayıb. Lordlar palatasının sədri Con Makfell isə qeyd edib ki, həmin qadağa heç də Çin səfirilə birgə tədbirlərdən imtina etmək mənasına gəlmir, sadəcə belə tədbirlər başqa yerlərdə keçiriləcək.

Çin səfirliyi Britaniya parlamentinin bu addımını "alçaq və qorxaq əməl" olaraq dəyərləndirib. Səfirliyin bəyanatına görə, Çin tərəfinin mart ayında tətbiq etdiyi sanksiyalar Böyük Britaniyanın Çinin ayrı-ayrı fərdlərinə və təşkilatlarına qarşı "Sincanda insan hüquqlarının pozulması dezinformasiyasını bəhanə etməklə tətbiq etdiyi birtərəfli sanksiyalara cavab" olub.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...