Fransada NATO əleyhdarı olan prezidentliyə namizədə hücum edildi - VİDEO - ednews.net

26 Yanvar, Çərşənbə

Fransada NATO əleyhdarı olan prezidentliyə namizədə hücum edildi - VİDEO

Dünya A- A A+

Fransada prezidentliyə namizəd Erik Zemmura hücum edilib.

Hadisənin görüntüləri sosial şəbəkələrdə yayılıb.

Hadisə namizədin seçkiqabağı mitinqində baş verib. E.Zemmur tribunaya yaxınlaşarkən kimliyi bəlli olmayan şəxs ona hücum edib. Hücum edən şəxs E.Zemmuru boğmağa çalışsa da, cangüdənlərin müdaxiləsi ilə dərhal zərərsizləşdirilərək polisə təhvil verilib.

Sözügedən şəxsin polisdə qeydiyyatda olduğu bildirilir. O, bir sıra məişət cinayətlərində iştirak edib.

E.Zemmur isə baş vermiş insidentə məhəl qoymayaraq səhnəyə çıxıb və 12 min tərəfdarı qarşısında çıxış edib.

Qeyd edək ki, E.Zemmur namizədliyini irəli sürdükdən sonra ilk mitinqində seçiləcəyi təqdirdə Fransanı NATO-dan çıxaracağını, fransız biznesini ABŞ və Çin şirkətlərindən xilas edəcəyini, işçilərə təzminatların artırılacağını, valideynlərə övladlarına xarici adlar qoymağın qadağan ediləcəyini bildirib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...