Kinoteatra getmək, kitab oxumaq kimi klassik hobbiləriniz varsa, indi bəhs edəcəyimiz hobbilər sizi şok edə bilər.
Ednews “Metallirari.com” saytına istinadən dünyanın ən bahalı hobillərini təqdim edir.
1.Klassik avtomobil kolleksiyası
Dünyanın ən bahalı klassik avtomobil kolleksiyası Rodger Duddingə aiddir. Bu kolleksiyanın ümumi dəyəri 45 milyon dollardan artıq olan 200 klassik avtomobildən ibarətdir. Qeyd edək ki, bu koleksiyada maşınların ümumi sayı 400-dən çoxdur.
2.Yaxta yarışı
Yarış üçün uyğun olan bir yaxtanın qiyməti 8-10 milyon dollar arası ola bilər. Təbii ki, bu qiymətə bütün texniki xərclər daxildir.
3.İncəsənət kolleksiyası
Livan əsilli milyarderlər Ezra və David Nahmad qardaşları dünyanın ən tanınmış tanınmış kolleksiyaçılarıdır. Onların incəsənət əsərləri kolleksiyası 3 milyard dollar dəyərindədir.
4.Siqaret formalı qayıq (“Cigarette board”) yarışı
Bu qayıq zərifliyinə və siqaret formalı olduğuna görə belə adlanır. “Mercedes Benz” markalı son model siqaret formalı qayığın uzunluğu 14 metr, sürəti saatda 160 km-dir. Yəqin ki, artıq qayığın qiymətini təxmin edirsiniz. Bəli, 3 milyon dollar.
5.Ekzotik heyvan bəsləmək
Ən məşhur ekzotik heyvan sahiblərindən biri məhz məşhur amerikalı müğənni Michael Jackson olmuşdur. Onun pələng, fil, zürafə, ilan, şimpanze, alleqator adlanan timsah növü və flaminqodan ibarət kolleksiyası var idi. Onun ilanları və timsahları ABŞ-nin Oklahoma ştatının zooparkına aparılıb. Parkın rəhbərinin timsah haqqında dediklərindən məlum olub ki, o 427 sm uzunluqda və yarım ton ağırlığındadır. Bundan əlavə, amerikalı aktyor Nicolas Cage-in isə 150.000 dollarlıq ekzotik heyvan kolleksiyası var.
6.Maşın yarışı
Yarış maşını alan insan 10.000 - 100.000 dollar arası pul xərcləyəməli olacaq. Bu qiymətə maşın aksesuarları və texniki hissəyə xərclənən məbləğ də daxildir.
7.Hava şarına minmək
Hava şarı almaq kimi bir fikriniz varsa, bu sizə 92.000 – 105.000 dollara başa gələ bilər. Hələ uçuş dərslərini də nəzərə alsaq, bu qiymətə 2400 dollar da əlavə etməli olacağıq. Bir saatlıq uçuş üçün isə qiymət 375 dollardır.
8.Polo
At belində oynanan top oyunudur və qədim “Çövkən” oyununun müasir variantı hesab olunur. Bu oyun qədim dövrlərdə kralların ənənəvi məşğuliyyəti olub. Polonun aylıq xərci 500 dollardan 400.000 dollara qədər ola bilər.
Mehri Ağayeva
