Azərbaycan Xarici İşlər Nazirliyi Azərbaycan Respublikasının vətəndaşı Fərid Səfərlinin İranda həbs olunması ilə bağlı məlumat verib. Qeyd olunub ki,  XİN tərəfindən edilmiş çoxsaylı müraciətlərdən sonra, İran tərəfi notamıza cavab olaraq, Fərid Səfərlinin həbs olunaraq, ona qarşı cinayət işi başladıldığını qeyd olunub. 

Məsələ ilə bağlı politoloq Cümşüd Nuriyev Ednews-a açıqlamasında bildirib ki, Azərbaycan XİN-i məsələni qaldırmasaydı İran azərbaycanlı tələbinin həbs olunmasınə hələ də gizlədəcəkdi. 

“İranda kifayət qədər itkin düşmüş gənclərimiz olub. İran Azərbaycanı ittiham etməyə səbəb axtarırdı. Fərid Səfirlinin İrana gedişi isə onlar üçün əla səbəb oldu. Almaniyada oxuyan tələbənin İrana kəşfiyyat üçün göndərilməsi ağılasığmaz bir  haldır. Azərbaycanın İrana kəşfiyyatçı göndərməyə ehtiyacı yoxdur. Ölkədə gedən prosseslər mətbuatda var. Bunu bütün dünya görür. İlk olaraq Azərbaycanı kəşfiyyatla məşğul olmaqda ittiham edirlər. Daha sonra isə ermənilər kimi özlərindən çox xoflanırlar”.

Politoloqun sözlərinə görə, Azərbaycanın İranla bağlı bir problemi yoxdur.

“Cənubi Azərbaycanda gedən prosseslərə mesaj verir ki, işimiz o qədər yaxşıdır ki, Azərbaycanın Almaniya üzərindən göndərdiyi kəşfiyyatçını da tuta bilirik. Guya böyük kəşfiyyatçı tutublar. Molla rejimi bundan artıq düşünə bilmir. Başlarını o qədər itiriblər ki, azərbaycanlı tələbəni kəşfiyyatçı adı ilə qələmə verirlər. Son zamanlar DTX 50-ə yaxın iranlı kəşfiyyatçını tutub. İranda öz ağlı ilə bir tələbəni tutub ki, sizdə bizdə kəşfiyyat aparırsınız.  Adi gündəlik hüquq-mühafizə orqanları İrandan Azərbaycana keçən kilolarla narkotikin qarşısını alır. Azərbaycan molla rejiminə çox ciddi ziyan vurur. Onlarda öz ağılları ilə Azərbaycanı belə cəzalandırırlar”.

Qeyd edək ki, 20 fevral tarixindən İran İslam Respublikasına səfərə gedən, 4 mart tarixindən isə xəbər alınması mümkün olmayan, Azərbaycan Respublikasının vətəndaşı, Almaniyanın Yena Universitetinin tələbəsi 1997-ci il təvəllüdlü Fərid Qabil oğlu Səfərlinin İranda casusluqda ittiham edilərək həbs olunduğu bildirilir.