Avropa İttifaqının (Aİ) Cənubi Qafqaz və Gürcüstan üzrə xüsusi nümayəndəsi Toivo Klaarın həm Ermənistana, həm də Azərbaycana səfərləri gözlənilir. Hələlik Bakı səfərinin tarixi təsdiqlənməyib, lakin bu səfər İrəvan səfərindən sonra həftə ərzində baş tutacaq.

Aİ rəsmisinin Bakı və İrəvana səfərləri iki ölkə arasında münasibətlərin formalaşmasına hansı töhvələri verə bilər?

Məsələnin aktuallığını nəzərə alaraq hər iki həm Azərbaycan, həm də Ermənistan şərhçilərinin mövqeyini işıqlandırmağa çalışdıq. 

İlk olaraq, erməni fəal, sülhməramlı təşəbbüsləri ilə tanınan bloqer İşxan Verdyan öz fikirlərini Ednews-a bildirib. O, qeyd edib ki, Ermənistan-Azərbaycan münaqişəsinin həllində cənab Klaarın rolunu və funksiyaları tam aydın deyil.

 “Onun işində heç bir aşkar nəticə yoxdur, heç bir mühüm açıqlama vermir. Cənab Klaarın yeganə əlamətdar bəyanatı Rusiya sülhməramlı kontingentinə beynəlxalq sülhməramlılar statusunun verilməsi olub ki, bu, açıq-aydın, münaqişənin həllinə xidmət etməyə bilər, əksinə, onun dondurulmasına xidmət edəcək. Bu bəyanatın səbəbləri və motivləri aydın deyil, lakin açıq şəkildə ermənipərəst kimi şərh oluna bilər, çünki beynəlxalq qüvvələrin Qarabağa yerləşdirilməsi tələbi Ermənistan tərəfinin demək olar ki, əsas tələbidir və Azərbaycan tərəfi bununla heç vaxt razılaşmayacaq.

Əlbəttə, danışıqlar prosesində cənab Klaarın hansısa gözəgörünməz ictimai missiyasını istisna etmək olmaz, xüsusən də son vaxtlar bu istiqamətdə çox sürətlə inkişaf edən hadisələr fonunda və ola bilsin ki, onun şəxsiyyəti mühüm kommunikativ rol oynayır. Amma hələlik bu rol göz qabağında deyil və ona görə də onun regiona səfərinin nəticəsi ilə bağlı etibarlı proqnozlar vermək mümkün deyil. Biz yalnız ümid edə bilərik ki, onun görüşləri danışıqlar zəncirinin növbəti həlqəsi olacaq və bu, sonda sülh müqaviləsinin imzalanmasına gətirib çıxaracaq”.

Məsələ ilə bağlı danışan politoloq Fərhad Məmmədov da düşünür ki, Avropa İttifaqının Xüsusi Nümayəndəsi, Toivo Klaarın bu həftə ərzində həm Ermənistana, həm də Azərbaycana səfərləri iki ölkə arasında münasibətlərə heç bir tövhə verməyəcək.

“Regiona olacaq bu səfər məsələlərə elə də ciddi təsir etməyəcək. Bu daha çox danışıqların intensivliyini qoruyub saxlanılması üçün olan görüşdür. Konkret məsələlər üzrə tərəflərin mövqelərini dəqiq öyrənilicək. Səfər həm də növbəti görüşlərdə də hər hansı təkliflərin irəli çıxması üçün vasitədir”.

Politoloq əsas nəticə verən  danışıqların ABŞ-da olduğunu vurğulayıb:

“Həmçinin, gələn həftə  Xarişi İşlər nazirləri Vaşinqtonda münasibətlərin qurulması və sülh müqaviləsi haqqında danışıqlar aparılacaq. Bu danışıqlarda hansısa məsələlərdə irəliləyiş gözləmək olar”.

Aysel Şahmar