6 avqust 1945-ci il tarixində ABŞ-ın "B29 Enola Gay" təyyarəsi Uran 235 tipli "little boy" (balaca oğlan) adı verilən 15 min ton TNT-lik atom bombasını günahsız Xirosima sakinlərinin üzərinə atdı. 1945-ci ilin sonuna qədər da atomdan ölənlərin sayı 140 mini keçmişdi.

Ednews dünya tarixinə qara hərflərlə yazılmış Xirosima faciəsi haqqında ararşdırma yazını təqdim edir:

Amerika atom bombasını kəşf etmişdi və bu dəhşətli kəşfi günahsız insanların üzərində sınaqdan keçirmək qərarı alır. İlk bomba Yaponiyanın Xiroşima şəhərinə atılır və ardıyca 9 avqustda saat 10:45 radələrində Platinyum 239 tipli təyyarə "Fatman” (kök adam) adlı atom bombasını Naqasakiyə atır. "Fatman” 21 min ton TNT-ə malik nüvə reaktoru idi. Həmin günü 200 minlik əhalisi olan şəhərin 20 mini saniyələr içində həyatını itirdi. Sağ qalanlar isə nə qədər sevinsələr də radiyasiyadan dolayı xərçəndən həyatını itirdi.  Yaponiyanın mavi səması saniyələr içində atom bombasının gücündən qara rəngə boyandı. Hadisədən 6 gün sonra Yaponiya höküməti qeyri şərtsiz təslim olub. O zamandan bu günə qədər ərazidə hələ də mövcud olan radiasiya ucbatından ölənlərin ümumi sayı 143 mini ötüb. Bu gün isə nüvə gücünə malik dövlətlər Xirosima və Naqasakiyə atılan bombaların düz 2500 qat güclüsünü istehsal edə bilir. Alimlərin hesablamalarına görə, dünya dövlətlərində 3000–dən cox nüvə başlığı var. Amma dünyanı darmadağın etməyə cəmi bir neçə (ötən əsrin 80-ci illərində cəmi 7) atom başlığı kifayətdir.

1945-ci ilin 6 avqust faciəsinin xatirəsinə həmin gün "Ümumdünya Nüvə Silahlarının Qadağan edilməsi Günü" kimi tarixə düşüb.

Kazımlı Rübabə