Ərdahanda meşə yanğınlarının qarşısını almaq üçün tədbirlər görən Qubernatorluq meşə ərazilərinə girişi qadağan edib, istirahət zonalarına səfərləri məhdudlaşdırıb.
Ednews “Anadolu Agentliyinə” istinadən xəbər verir ki, Qubernatorluqdan verilən açıqlamada meşə yanğınları ilə mübarizə çərçivəsində şəhərdə bəzi qərarların alındığı bildirilib.
Açıqlamada sentyabrın 15-dək gəzinti və istirahət zonalarından başqa meşələrə girişin qadağan edildiyi qeyd edilib, aşağıdakı ifadələrə yer verilib: “Ərdahan mərkəzi, Camal Tural Təbiət Parkı, Gölə, Çakırüzüm və Köprülü istirahət zonaları, Çıldır, Hanak, Damal və Posof rayonlarında yerləşən istirahət zonalarından kənarda yerləşən meşəlik ərazilərə növbətçi heyət istisna olmaqla, sentyabrın 15-dək giriş qadağandır”. Açıqlamada bildirilib ki, saat 19.00-dan səhər saat 08.00-dək istirahət zonalarına giriş qadağandır.
Aysel