Yeni məlumatlara görə, keçən il bu rəqəm 3 faiz artaraq 49 449-a çatıb.
Ednews "Əl-Cəzirə"yə istinadən xəbər verir ki, yeni açıqlanan hökumət məlumatlarına görə, Birləşmiş Ştatlar keçən il ən yüksək intihar sayını qeydə alıb, 2022-ci ildə 49,000-dən çox insan öz həyatına qəsd edib.
Xəstəliklərə Nəzarət və Qarşısının Alınması Mərkəzləri (XNQAM) cümə axşamı günü ABŞ-da İkinci Dünya Müharibəsindən sonra intiharların daha çox yayıldığını göstərən yeni məlumatlar dərc edib.
ABŞ-da intiharlar 2000-ci illərin əvvəlindən milli göstəricinin 1941-ci ildən bəri ən yüksək səviyyəyə çatdığı 2018-ci ilə qədər davamlı olaraq artıb. Həmin il təxminən 48,300 intihar hadisəsi baş verib - bu, hər 100,000 amerikalıya 14,2 nəfər deməkdi.
Bu nisbət 2019-cu ildə bir qədər azalıb və COVID-19 pandemiyasının ilk ilində 2020-ci ildə yenidən aşağı düşüb. Bəzi ekspertlər bunu müharibələrin və təbii fəlakətlərin ilkin mərhələlərində insanların bir araya gəlib bir-birini dəstəkləməyə meylli olduğu bir fenomenlə əlaqələndirirlər.
Lakin 2021-ci ildə intiharlar 4 faiz artıb. Keçən il, yeni məlumatlara görə, bu rəqəm 1000-dən çox artaraq 49,449-a çatıb - əvvəlki illə müqayisədə təxminən 3 faiz artım deməkdir.
XNQAM məlumatları göstərdi ki, 2022-ci ildə intiharların ümumi sayının təxminən 79 faizi kişilərin payına düşür.
Ülviyyə Şahin
.jpeg)
