Ekspertlər şurası öz siyasət icmalında Berlinin təkliflərinin iqlim dəyişikliyinin yumşaldılması üçün yetərli olmadığını bildirib. Onlar əlavə ediblər ki, 100-dən çox tədbir vahid ümumi plana uyğun gəlmir.
Ednews DW-yə istinadən xəbər verir ki, ekspertlər şurası Almaniya hökumətinin iqlim siyasəti təkliflərinin icmalını dərc edib.
İcmal müəyyən edib ki, təklif olunan tədbirlər Berlin üçün iqlimin qorunması məqsədlərinə çatmaq üçün kifayət deyil.
Almaniyanın iqlimlə bağlı səyləri niyə yetərli deyil?
Ekspertlər müəyyən ediblər ki, təklif olunan iqlim mühafizəsi proqramının tətbiqi 2021-2030-cu illər üçün emissiyaları 200 metrik ton CO2 ekvivalentində azaldacaq.
Bununla belə, bu , 2019-cu ildə qəbul edilmiş iqlim mühafizəsi qanununda qeyd olunduğu kimi, mövcud emissiyalar ilə Berlinin iqlim məqsədləri arasındakı fərqi aradan qaldırmaq üçün kifayət etməyəcək,- deyə ekspertlər bildirib.
Şuranın sədri Hans-Martin Henninq deyib ki, bir sıra tədbirlərə gəlincə, biz həyata keçirilmə ehtimalını tənqid edirik". O, əlavə edib ki, şura “reallıqla federal hökumətin fərziyyələri” arasında əlaqənin kəsilməsini görüb.
“Gözlənilən ümumi azalma buna görə də çox güman ki, həddən artıq qiymətləndirilib”, deyə o, qeyd edib.
Şura, proqramın tam şəkildə həyata keçiriləcəyi təqdirdə belə, Almaniya hökumətinin iddia etdiyindən daha böyük bir boşluq olacağına inandığını söyləyib.
Ekspertlər həmçinin federal hökumətdən kifayət qədər məlumat almadıqlarını və siyasət təkliflərində iddia edilən emissiyaların azaldılmasını təsdiq edə bilmədiklərini söyləyiblər. Şura həmçinin hökumətin təkliflərinin iqlimin qorunması üçün vahid ümumi plana uyğun gəlmədiyini də bildirib. O əlavə edib ki, vahid, ümumi çərçivə ziddiyyətli siyasi məqsədləri və potensial sosial münaqişələri nəzərə almalıdır.
Almaniya iqlim böhranı ilə mübarizə üçün nə edir?
İcmalda deyilib ki, federal hökumət iqlimin qorunması proqramı çərçivəsində 130 tədbir təklif edib.
Berlin bu ilin iyun ayında iqlimin qorunması ilə bağlı təkliflər layihəsini dərc edib. Təkliflər ekspertlər şurası tərəfindən nəzərdən keçirildikdən sonra yenidən işlənməlidir.
Ülviyyə Şahin