ABŞ-dan olan 104 yaşlı İkinci Dünya Müharibəsi veteranı növbəti doğum günündən əvvəl necə uzun illər yaşadığından danışıb.
Ednews-un WFTX-TV-a istinadən verdiyi məlumata görə, onun fikrincə buna əsas səbəb insanın sevdiyi işlə məşğul olmasıdır.
Təqaüddə olan Hərbi Hava Qüvvələrinin polkovnik-leytenantı Uilbur Britton 1918-ci ildə anadan olub və 22 yaşında sınaq pilotu kimi xidmətə başlayıb. 1945-ci ildə o, Xirosima və Naqasakinin bombalanmasında iştirak edə biləcək təyyarəni sınaqdan keçirib. Daha sonra o, bütün həyatı boyu Boeing və Lockheed Martin korporasiyalarında çalışıb. O, hərbi aviasiyadakı karyerasını o qədər də görkəmli hesab etmir, lakin bəzi məşhur təyyarələri idarə etdiyi üçün fəxr edir.
“Mən adi pilot deyildim. Mən B-17 və B-24-də uçurdum”, - deyə Britton bildirib.
Yaşına sakit yanaşdığını, ailəsini əsas uğuru hesab etdiyini bildirib.
Yaşının çox olmasına baxmayaraq, Britton hələ də öz evində yaşayır və sentyabrın 14-də qeyd olunacaq ad gününü iki qızı və kürəkəninin əhatəsində keçirəcək.
Nurlana
