Rusiyanın Novosibirsk vilayətində 167 nəfərin olduğu sərnişin təyyarəsi əkin sahəsinə məcburi eniş edib. Texniki nasazlıq səbəbindən edildiyi bildirilən təcili eniş zamanı xəsarət alan olmayıb.
Ednews rus mediasına istinadən xəbər verir ki, Rusiyanın Sibir Federal Dairəsinin Omsk şəhərinə getmək üçün Soçidən havaya qalxan Ural Hava Yollarına məxsus Airbus A320 tipli sərnişin təyyarəsində texniki nasazlıq yaranıb.
Bunun üzərinə pilot Novosibirsk vilayətində əkin sahəsinə məcburi eniş edib. Eniş etdikdən sonra təyyarədə olan sərnişinlər təxliyə edilib.
Aviaşirkətdən verilən açıqlamada, “Eniş heç bir problem olmadan həyata keçirilib. “Təyyarədə 161 sərnişin və 6 ekipaj üzvü olub, xəsarət alan olmayıb”. ifadələrdən istifadə edilmişdir.
Rusiya mətbuatı sərnişin təyyarəsinin texniki səbəblərə görə əvvəlcə Novosibirsk hava limanına eniş tələb etdiyini, daha sonra isə təyyarənin tarlaya eniş etdiyini açıqlayıb.
Oğuz