ABŞ gizli şəkildə ən azı bir ədəd “M1150 Assault Breacher” zirehli minatəmizləmə maşınını Rusiyanın müdafiəsini yarmaq üçün Ukraynaya təhvil verib.
Ednews xəbər verir ki, bu barədə “Forbes” jurnalında iddia edilib.
Jurnal ötən gün Ukraynanın Raket Qoşunları və Artilleriya Günü şərəfinə çəkilmiş fotoşəkillərə diqqət çəkib. Şəkillərdən birində 55 ton ağırlığında, dəyəri 4 milyon dollar olan Amerika zirehli maşını göstərilir.
Ümumilikdə, nəşrə görə, amerikalılar M1150 Assault Breacher-in ən az 6 ədədini Ukraynaya tədarük edib.
Qeyd edək ki, sözü gedən texnika mina sahələrini təmizləyə və məhv edə bilir, həmçinin onlardan keçidlər yarada bilir. Avtomobilin ekipajı bu vəzifələri zirehli maşından çıxmadan yerinə yetirə bilir.
