Ekspertlərin fikrincə, Səudiyyə Ərəbistanı istehsalı məhdudlaşdırmaqla qiymətləri yüksək saxlamağa çalışır.

Ednews xəbər verir ki, Səudiyyə Ərəbistanı gündəlik hasilatın 1 milyon barrel azaldılmasını daha bir il uzatmaq qərarına gəlib. 

Səudiyyə Ərəbistanı və digər OPEC+ üzvləri ilə birlikdə dünya neft tədarükünün 40 faizini qarşılayan Rusiya da 2024-cü ilin ilk üç ayı üçün gündəlik hasilatı 500 min barel azaldacağını açıqlayıb. Səudiyyə Ərəbistanının başçılıq etdiyi 13 üzv OPEC və Rusiyanın başçılıq etdiyi OPEC-ə daxil olmayan 10 neft hasil edən ölkə bazar şərtlərini qiymətləndirmək və hasilat siyasətlərini nəzərdən keçirmək üçün bu gün bir araya gəlib. OPEC+ ölkələrinin energetika və neft nazirləri gündəlik təqribən 2 milyon barel əlavə tədarükün azaldılması ilə bağlı prinsipial razılığa gəliblər. 

Səudiyyə Ərəbistanının Energetika Nazirliyinin açıqlamasına görə, Ər-Riyad “2024-cü ilin birinci rübünün sonuna qədər” gündəlik neft hasilatını bir milyon barel azaltmağa davam edərək, xam neftin qiymətlərini dəstəkləməyə yönəlmiş strategiyasını davam etdirəcək. 

Səudiyyə Ərəbistanı istehsalı məhdudlaşdırmaqla qiymətləri yüksək saxlamağa çalışır.Brent markalı neftin bir barel qiyməti 83,1 dollardan ticarət edildiyi halda, qərardan sonra Londonda satılan neftin barrel qiyməti 1,2 faiz artaraq 84,22 dollara satılıb.

Xəyal Ramiz