İndoneziyanın Yava adasında yerləşən ölkənin ən aktiv vulkanı olan Merapinin püskürməsi nəticəsində kül buludları və lava axınları əmələ gəlib.
Ednews sozcu.com.tr-ə istinadən xəbər verir ki, bölgədə daha iki vulkanın aktivləşdiyi və minlərlə insanın sığınacaqlara axın etdiyi bildirilib.
İndoneziyanın Vulkan Elmi və Geoloji Fəlakət Azaldılması Mərkəzi tərəfindən verilən açıqlamada, Levotobi Laki-Laki vulkanının bu gün püskürdüyü, 700 metr yüksəkliyə kül səpdiyi, bölgədəki 6500 insanın sığınacaqlara axın etdiyi bildirilib.
Həmçinin Sumatra adasının qərbində yerləşən Marapinin bu ay üçüncü dəfə püskürdüyü və lava səpmədiyi, lakin bölgədəki 500 insanın təxliyə edildiyi vurğulanıb.
Dünyada seysmik hərəkətlərin və vulkan püskürmələrinin ən çox yayıldığı Sakit Okean Zəlzələ Zonasında yerləşən və "Alov halqası" kimi tanınan İndoneziyada 120-dən çox aktiv vulkan var.
Xəyal Ramiz
.jpg)
