Türkiyə polisi yanvarın 28-də kilsədə baş verən atışmada əli olmaqda şübhəli bilinən 47 nəfəri saxlayıb.
Ednews xəbər verir ki, bu barədə jurnalistlərə Türkiyənin daxili işlər naziri Əli Erlikaya məlumat verib.
“Kilsəyə silahlı basqınla bağlı işin istintaqı çərçivəsində 30 ünvanda əməliyyat keçirilib, İŞİD ilə əlaqəsi olan biri Rusiya, biri Tacikistan vətəndaşı olmaqla 47 nəfər saxlanılıb", deyə o, qeyd edib.
Fövqəladə hadisə yanvarın 28-də yerli vaxtla saat 11:40 radələrində Sarıyer rayonunda yerləşən Müqəddəs Məryəm katolik kilsəsində baş verib. İki maskalı basqınçı atəş açaraq 1972-ci il təvəllüdlü Türkiyə vətəndaşını öldürüb.
Hücum edənlər isə sonradan polis tərəfindən ələ keçirilib.