Almaniya gərgin müzakirələrdən sonra şəxsi istifadə üçün marixuananı qismən qanuniləşdirməyə doğru irəliləyir.
Ednews xarici mediaya istinadən xəbər verir ki, siyasətçilər bazarı narkotik alverçilərindən geri almağa ümid edirlər, lakin həkimlər bu addımın gənclərin sağlamlığını riskə atdığını bildirirlər. Yeni qanun ölkəni Malta və Lüksemburqdan sonra sirri leqallaşdıran üçüncü Avropa İttifaqı ölkəsi edəcək.
Almaniya parlamentinin narkotik vasitəyə asan çıxış imkanının müsbət və mənfi tərəfləri ilə bağlı müzakirələrdən sonra sirr istifadəsini qismən qanuniləşdirməsi gözlənilir .
Yeni qanun Almaniyanı Avropada şəxsi istifadə üçün narkotiki qanuniləşdirən üçüncü ölkə edəcək və sirr qadağan olunmuş maddələrin rəsmi siyahısından çıxarılacaq. Qanun çərçivəsində yetkinlər 25 qrama qədər marixuana daşıya bilər.
Almaniyanın Səhiyyə Naziri Karl Lauterbax, yeni qanunun 7 milyon almaniyalının narkotik satıcılarından uzaq durmaq üçün müntəzəm olaraq marixuana istifadə etməsinə imkan verəcəyini gözlədiyini söyləyib.
Oğuz
.jpeg)
