Pekində Rusiya xarici işlər naziri Sergey Lavrov və Çinin xarici işlər naziri Van Yi arasında danışıqlar başlayıb.

Ednews rusturk.com-a istinadən xəbər verir ki, Lavrov “Krokus” terror aktı ilə bağlı başsağlığı üçün Çin tərəfinə təşəkkür edib və “Rusiya və Çin çoxtərəfli mexanizmlər də daxil olmaqla terrorla mübarizədə əməkdaşlığı davam etdirəcək” deyib. 
 
Sergey Lavrov çinli həmkarına ötən ay keçirilən prezident seçkiləri zamanı Rusiya şəhərlərinin bombardmanlarının artması və hakerlərin seçki sisteminə hücum cəhdləri barədə də danışıb.  Çin Xalq Respublikası hökumətinin nümayəndə heyəti təsdiq edə bildiyi kimi, rus seçicilərinin iradəsinin sərbəst şəkildə qeyd olunmasına heç nə mane olmadı. 
 
Lavrov deyib ki, “liderlərin sayəsində Moskva ilə Pekin arasında münasibətlər görünməmiş səviyyəyə çatıb”.
 
Lavrovun fikrincə, dövrümüzün fundamental problemlərinin həllinə Rusiya və Çinin yanaşmalarının yaxınlığı və ya üst-üstə düşməsi dünya miqyasında strateji koordinasiyanın gücləndirilməsi üçün zəmin yaradır.

Sergey Lavrov bu ilin sonunda Pekində keçirilməsi planlaşdırılan Rusiya-Çin liderlərinin sammitindən əvvəl dünən səhər Çinə gəlib. Səfər iki gün davam edəcək. Rusiya Xarici İşlər Nazirliyinin sözçüsü Mariya Zaxarovanın sözlərinə görə, tərəflər Ukraynadakı hərbi əməliyyatlar və Asiya-Sakit okean regionunda vəziyyət də daxil olmaqla “bir sıra qaynar mövzuları və regional problemləri” müzakirə etməyi planlaşdırırlar.

Xəyal Ramiz